IIMU/UUNGW 29:32 - Biblía Axweesantá Hhohho' ar Mungú 2004

³² Lea iri tsít, iri xwayluúr na/oó garma, guri beér Reubeni, iwa kat, «Asma AAKOÓ MUNGÚ slahh'amaayer'eé' gaa ár, dooqa daxta hhawaatuueé' i slaa'.»

IIMU/UUNGW 29:32 Iomraidhean Croise

IIMU/UUNGW 16:11

Malaykamoó AAKOÓ MUNGÚ gari báy, «Ga/aaweek, kiíng a tsiiháy, na/oó garma u xwayluúr, umuuwós kway beer Ishmaeli. asma AAKOÓ MUNGÚ /aa/aá baramaanirók gaa axaás.

IIMU/UUNGW 29:31

AAKOÓ MUNGÚ ngiwa ár Lea kawa slaiiká, gari na/ií haniís, ala Raheli na/ii gaa sleeriiká.

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 35:23

Daaqoó Lea an Reubeni, na/oó baris oo Yakobo, nee Simeon, nee Laáwi, nee Yuda, nee Isakari nee Sebuluni.

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

IIMU/UUNGW 42:27

Heé wák baraá tla/angw'ine mayshoó ngiwa gweér, as daqwaywós nguwa muruú /aymárií haniisi, qoomár tawa baraá doó dahaayér i dirii'i, peésarós gana ár naxés i baraá afkú mayshoórós i dirí'.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

1 QOM'I 5:1

Mukwí an xwaylár Reubeni, garmoó baris oo Israeli (ala inós giisa guna dakuús, iringeé gari tleéhh, as iwa qaát gawaá qatantá baabuúwós nee /ameenír baabuúwós) hariímadá' inós tawa barismo kana haniís dír Yosefu garmoó Israeli. Gawaá adoorihe, tlahhaywós kwa harafariiká baraá tlahhay'ine, tawa oo garmoó baris.

WARA'AMI 106:44

Ala tam adoorihe Mungú slahh'amuuín guna gaárí xuú', qoomár /aa/eeín ngiwa axaás,

WARA'AMI 25:18

Slahh'amaayer'eé' nee baraamaanir'eé' i qaytsiteek, tlakweemaeé' sleémeero gurtlaweek.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

ESEKIELI 48:6

Yaamaá nee tlahhoó Efraimu digma, iimír bihhaá da/aáw ay bihhaá /uwa, yaamuuká' awa tlahhoó Reubeni.

FAARO 1:5

Mukdá' kuúng u alee/iís a kwí: Tlahhoó Reubeniwo, a Elisuri garmoó Shedeuri.

Luka 1:25

«Adoorí an tidá' Aako naa aníngií tleéhh qoomár iwa gurií baá/, nee mureekesay'eé' kudá' nira hotaatiím tla/ángw muk'eene gwa hingeés.»

DABE 26:7

Aluuwo atén AAKOÓ MUNGÚ, Munguú baabi'iirén una i /aa/aán nee AAKOÓ MUNGÚ /aa/eerén giri axaás, nee slahh'amuudá' taa slawaán guri ár, nee gadiyeédaá gawdene, nee baramaanirene.

DABE 27:13

Nee tlahhi'iiká' i sihhiitiye' gawaá tloomár Ebali qoomár lo'ooro: Tlahhoó Reubeni, nee oo Gadi, nee oo Asheri nee oo Sebuluni nee oo Dani nee oo Naftali.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»