IIMU/UUNGW 29:31 - Biblía Axweesantá Hhohho' ar Mungú 2004

³¹ AAKOÓ MUNGÚ ngiwa ár Lea kawa slaiiká, gari na/ií haniís, ala Raheli na/ii gaa sleeriiká.

IIMU/UUNGW 29:31 Iomraidhean Croise

IIMU/UUNGW 11:30

Sarai a kampeeri, inós na/aay gwa sleeriiká.

IIMU/UUNGW 16:1

Ala Sarai harér Abramu, na/aay gwa sleeriiká, inós sagadiyuso'o ga koón ar Misri, umuuwós a Hagari.

IIMU/UUNGW 20:18

Asma AAKOÓ MUNGÚ /ameena sleémeero ar doó Abimeleki gana xwayla /iít, asma Sara harér Abrahamu.

IIMU/UUNGW 25:21

Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 29:30

Yakobo Raheli gari duúx sleeme. Ala Yakobo Raheli gari ak slaá' ta Leawo. Labani guri sagadiyuús kureeraá hatlá' awa faanqwe.

IIMU/UUNGW 29:32

Lea iri tsít, iri xwayluúr na/oó garma, guri beér Reubeni, iwa kat, «Asma AAKOÓ MUNGÚ slahh'amaayer'eé' gaa ár, dooqa daxta hhawaatuueé' i slaa'.»

IIMU/UUNGW 30:22

Mungú Raheli gari insláy, gari iiárií qaás, gari xwaylárí haniís.

IIMU/UUNGW 35:23

Daaqoó Lea an Reubeni, na/oó baris oo Yakobo, nee Simeon, nee Laáwi, nee Yuda, nee Isakari nee Sebuluni.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

MALAKI 1:3

ala xwaylár Esau ana aáhh, nee tlom'aá yaamaá Edomu ngay deewa'atís, nee aalir'ín ngay intsaawér i haniís.»

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 1:7

Ala inooín ta na/oó konká, asma Elisabeti a kampeeri, nee inooín tsaraawo naa diné'.

Luka 14:26

«Hee barnaxes naa hardáh amor'eé', bar baabuúwós gwaa aahhiiká, nee aayoorós nee hareerós nee na/iiwós, nee hhaaeewós, nee slám inós kilós birta aahhiiká, i eeharusmooeé' tleehhitiiká.

Yohana 12:25

Heé slafiingós gu slaá', gu qwaarees, nee heé slafiingós gu aáhh baraá yaamuukaákae, gu ba/amis tam ay slafíngw alhhe'eesay wásl.

Tlehhema'aá ya/Abuuse 7:8

Alqadór al/utlo gari alqadín. Abrahamu iri laqwaál Isaka, nee bál dakaát guri al/uútl. Isaka iri laqwaál Yakobo. Nee Yakobo iri laqwaál kudá' mibaá nee tsár. Inooín a bariiseerén. Nee kudá' sleémeero kiri al/utlín.

DABE 21:15

«Barnaxes siwirkaaro hhawaatuuko tlaawaywós ngu kon a tsár, nee inós ar wák gan slaa' ta tiqár hatlae, nee /ameenarí inós gwa na/aá daaqáy laqwál, nee na/oó taa geerií laqwaál a oo /ameenidá' inós i slaiiká,

RUTI 4:13

Boasi Ruti garir tláy amór do'ós i alé, gari duúx. AAKOÓ MUNGÚ gari tsuúq iri tsít, na/oó garma gway xwayluúr.

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»

1 SAMUELI 1:27

Una firiím as na/aywí nguwa aníngí haniisi. AAKOÓ MUNGÚ firor'eé' gana axaás, nguri haniís.

1 SAMUELI 1:5

Ala Hana gan qaaqáy sagaáwa tsár, asma Hana gana gurií baá/ tam AAKOÓ MUNGÚ ngaa xwaylár /iti.

1 SAMUELI 2:21

AAKOÓ MUNGÚ Hana gari gurtláy, inós iri tsít, na/ii giri laqwál, awa daaqaay tám, nee awa dasu tsár. Na/aywí ta bay Samueli iri uráy dír geeraá AAKOÓ MUNGÚ wa ale.