IIMU/UUNGW 29:25 - Biblía Axweesantá Hhohho' ar Mungú 2004

²⁵ Matlaatleero Yakobo gari tsaáhh tawa Lea! Labani guri yaahaás, «Kaangwí naa aní tléhh a milá? Xáy, una sagadiyuúsiíke as Raheli? Bareemák daxta iga al/ák?»

IIMU/UUNGW 29:25 Iomraidhean Croise

IIMU/UUNGW 12:18

Farao Abramu guri ateét guri báy, «Tí a milá naa aníng i tléhh? Baré ngaa oiká adór tar hareerók?

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

IIMU/UUNGW 26:10

Abimeleki guri yaahaás, «Gaarí a milá taa atén i tléhh? Oo wák baraá muk'eene geera aqo nee hareerók tan alqaat ar xure wasle, atén geera kuúng taa baraá tlakweemií dahás.»

IIMU/UUNGW 29:16

Labani dasuú tsár gu kón, ar ur umuuwós a Lea, nee ar niina a Raheli.

IIMU/UUNGW 29:24

(Labani Silpa sagadiyuso'oorós gari haniís dír Lea as ngiwa sagadiyus.)

IIMU/UUNGW 29:26

Labani iri oó', «Baraá yaamurene dakwsíng u tlehhaahhitanaaká oo dasír niina kawa geerií duuxi dír dasír ure.

IIMU/UUNGW 31:26

Labani Yakobo guri báy, «Gaarí a milá taa tléhh? Gár isa al/ák, dasuueé' kurir tleér adór haasaánguú tinda baraá slaqwarár wa hayóh?

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

AXWEESANOÓ SAGALOOA 11:31

Bar heé hotaawós ganaa'á' bu'utu gun sláy baraá yaamú wa alé, áx alók a adoomá dír heé tlakweemaá tlehhaahhiita nee aa dee/anuuti.

Matayo 7:12

«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.

1 SAMUELI 28:12

/Ameenír aáng Samueli nguwa sa aán ina /á/ ar afór ur, Saulo guri beér, «Asma waáy misa al/ák, kuúng baré a Saulo.»