IIMU/UUNGW 28:3 - Biblía Axweesantá Hhohho' ar Mungú 2004

³ Munguú Aleesleemusmo u tsuuqi as xwaylár yaariir kawa sleer nee iwa doogiin, as tawa múk yaariír tleehhit.

IIMU/UUNGW 28:3 Iomraidhean Croise

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 13:16

Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 17:20

Ala daanduú Ishmaeliwo án kuúng ugwa axaás. Inós ugwa tsuúq. Án u tlahhás, as iwa doogin kángw kilá' wa ale. Inós tay baabuú waawituú mibaá nee tsár, aníng ngway xoorór ur tleéhh.

IIMU/UUNGW 24:60

Rebeka kari báy, «Hho'oorén, kiíng ti tsuuqi, kiíng ta aayór múk kumér kúm tleehhít. Xwaylarók gixsadaá wakuuser'ín ngi sa waawuti'ine'.»

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 27:33

Isaka adoorí ngiwa axaás, daaraxoó úr guri áy, iri oó', «A heemá kar ala kudá' aa slakaat, nee sluqo ngiri huúw, aníng aga qaroó /ayiím qoomár kuúng niwa hardatiká. Nee ugwa qaroó tsuúq, nee tsuuqa gaa sláy.»

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 41:52

Oo tsár umuuwós kuri báy Efraimu, gídaabárós: «Mungú na/ii ngaa haniís baraá yaamaá slahh'eemisuueé' wa ale.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 48:3

Yakobo Yosefu guri báy, «Munguú duú Aleesleemusmo ina i ti'iít baraá Lusu, ar baraá yaamaá Kana'ani, iri tsuúq.

IIMU/UUNGW 48:4

Iri báy, ‹Ga/aaweek, aníng kuúng u xwayla doók, uri tlahhás, aníng uri xoorór ur tleéhh, slám xwaylarók ngari yaamuká' i haniís, tawa kooín ay kureeraá kureér.› »

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

IIMU/UUNGW 9:1

Aakoó Mungú Noa guri tsuúq, nee daaqaywose, giri báy, «Laqwaalé', doogaagimé', yaamu hatsiisaak.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

Geehhoeemaá 21:22

Ala Doó Mungú oo naa ár baraá gixsadae i kaahh. Asma Aakoó Munguú Aleesleemusmoó mura' sleémeero, nee Deelmoó bee/i, an Doó Mungú oo gixsadá'.

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»