IIMU/UUNGW 28:20 - Biblía Axweesantá Hhohho' ar Mungú 2004

²⁰ Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

IIMU/UUNGW 28:20 Iomraidhean Croise

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 31:13

Án an Aakoó Munguúdá' nee kuúng taa doogaan amoodár Beteli, didá' tlaa/ano kuwa parátl kway di/ití tsiririxís, iri al'axweesántí ó'. Daxta tláw baraá yaamukae, kií/ baraá yaamuudá' tuwa laqwaál.› »

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

2 SAMUELI 15:8

Asma, aníng oo sagadiyusmoowók, niwa hoót baraá ayaá Geshurír wa ale, yaamaá Aramu, al'axweesani ana tseék dír AAKOÓ MUNGÚ, ana oó', ‹AAKOÓ MUNGÚ, aníng kuúng bira ki/ís baraá gixsár Yerusalemu, daqaní aníng kuúng u sluufmiís.› »

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 116:18

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero,

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 132:2

Adoodá' lo'o ngira /aáy as AAKOÓ MUNGÚ, inós lo'o gana /aáy as kudá' Aleesleemuú koóm oo Yakobo.

WARA'AMI 22:25

Baraá dinku'uumár ure án kuúng un xirfayeemiís. Al'axweesante'eé' an boo/eés, dír geeraá kudá' kuúng ilaiwawa/a'a.

WARA'AMI 56:12

Mungú, al'axweesante'eé' gár kawa hariím aqo ngin boo/eés. Ilahhooár sluufaay ngi haniís.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

WARA'AMI 61:8

Án kuúng umuú qoomaaro u daa'ángw xirfií daá', as al'axweesante'eé' ngiwa boo/ees umuúqo deelooro.

WARA'AMI 66:13

Aníng a dáh baraá do'ók nee ilahhooár da/a, al'axweesante'eé' ngari boo/eés diroge.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Tlehhema'aá ya/Abuuse 18:18

Paulo iri amoodá' wa hoót deelór yaariire. Aluuwo deelo gari oó' dír hhae, iri tláy ar baraá tlawi ay yaamaá Siria. Priskila nee Akila tay alkoné' nee inós. Ala iwa baraá yaamaá Kenkréarí dirii'i se'eengós guri deéqw, asma al'axweesantá lo'o gaa /aáy.

1 Timoteo 6:8

Gawaá adoorihe atén barnaxes muruú /ayma u koomaán, nee inqwar, masók atén ti yaanda hhoó' muruuwihe.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:28

Gawaá adoorihe hamí na/aywí ngwa huúw dír AAKOÓ MUNGÚ. Baraá slafiingós sleémeero i dír AAKOÓ MUNGÚ wa hooti.» Inooín AAKOÓ MUNGÚ nguri amoodá' wa sluufmiisiyé'.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.