IIMU/UUNGW 28:18 - Biblía Axweesantá Hhohho' ar Mungú 2004

¹⁸ Yakobo matlaatleero iri tseewa tláy, tlaa/anoodá' aa sagós ar tlakwaá' guri taataáhh, guri adór uhmoó wa foól, guri di/tí tsiririxiís as nguwa paraatli.

IIMU/UUNGW 28:18 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

IIMU/UUNGW 28:11

Iwa dirkaárí hardáh, ina qaát didaádí alé, asma looa aa dát. Tlaa/anoó wák oo didá' guri taataáhh, guri sagós ar tlakwaá', iri qaát.

IIMU/UUNGW 31:13

Án an Aakoó Munguúdá' nee kuúng taa doogaan amoodár Beteli, didá' tlaa/ano kuwa parátl kway di/ití tsiririxís, iri al'axweesántí ó'. Daxta tláw baraá yaamukae, kií/ baraá yaamuudá' tuwa laqwaál.› »

IIMU/UUNGW 31:45

Yakobo tlaa/ano guri taataáhh, gway foól adór uhmoó inslasláw al'axweesantadá'.

IIMU/UUNGW 35:14

Yakobo uhumoó tlaa/e guri sihhtís didá' nee Mungú tawa axweés, di/i gari gawaadá' i tsiririxiís, nee muruú wahaangw, as ilahhooa ngiwa haniisi dír Mungú.

IIMU/UUNGW 35:20

Yakobo uhmoó inslaslaangw guri sihhtís gawaá /aantárí alé, an uhmoó gawaá /aantár Raheli ay laarí.

2 SAMUELI 18:18

Qoomaadá' Absalomu iwa slafi, uhmo guna tleéhh, guri sihhtís baraá Xatstá Waawutmo, asma ina oó', «Aníng na/oó garma u koomaaká oo tlahhay'eé' gu tleés as tiwa inslaslay.» Uhmoowí guri umií tsaát ku bay, «Uhmoó Absalomu» ay laarí.

WARA'AMI 119:60

An gaansluút, a tligaaká hara'ayaarók ngiwa oh.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 19:19

Baalaadae kitángw ilahhooa kawa hanmiis dír AAKOÓ MUNGÚ kuri tleehh baraá tla/ángw yaamaá Misri, nee uhmoó taa paraátl as AAKOÓ MUNGÚ kuri siihh baraá digeemaá yaamaá Misri.

FAARO 7:1

Bál Mose heémaadá' hhoohhoo' tleehhamooro ngiwa hhe'eés, gana iimbalaáx ar di/i, nee gari paraátl dinkwa nee xooslaarós sleémeero as Mungú. Inós sleeme kitángw ilahhooa nee xooslarós sleémeero gina dí/tár iimbalaáx, giri paraátl as Mungú.

YOSHUA 4:9

Yoshua tlaa/aá mibaá nee tsár giri qaás baraá tla/ángw yaaér Yordani, didá' kaahamuuseedá' sandakmoó alqadór loohiis iwa sihhmit. Tlaa/eedá' i dayá' tam ay laarí.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»