IIMU/UUNGW 28:13 - Biblía Axweesantá Hhohho' ar Mungú 2004

¹³ Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 28:13 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 13:17

Sihhiít, hi'iimiít baraá yaamuká' wa alé, baraá bihheerós nee tlenaangose. Asma yaamuká' ngin kuúngí haniís.»

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 31:13

Án an Aakoó Munguúdá' nee kuúng taa doogaan amoodár Beteli, didá' tlaa/ano kuwa parátl kway di/ití tsiririxís, iri al'axweesántí ó'. Daxta tláw baraá yaamukae, kií/ baraá yaamuudá' tuwa laqwaál.› »

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 31:5

giri báy, «Aníng aga tsaáhh adór baabuúhúng iwa gaárí xuiiká adór geeraá wa alé, ala Munguú baabuúeé' nee aníng a dinkwa.

IIMU/UUNGW 31:53

Munguú Abrahamu, nee Munguú Nahori, Munguú baabi'ii'ín, kasi ngi tsati tla/angwrene.» Yakobo lo'o gari /aáy ar umuú Mungú, Kudá' baabuúwós Isaka i da'ayuumiti.

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 32:9

Naagáy Yakobo Mungú guri firín iri oó', «Munguú baabuúeé' Abrahamu, Munguú baabuúeé' Isaka, AAKOÓ MUNGÚ kuúdá' án iga beer, ‹Kií/ baraá yaamuuwók nee amór mukók,› ina al'axweesántí hanís ar iwa hhooárí tlehh,

IIMU/UUNGW 35:1

Munguú Yakobo guri báy, «Tláw, tsa/ám ay yaamaá Beteli, ta amoodá' wa hót. Nee amoodaádae aníng ir kitángw ilahhooárí tléhh. Aníng a Mungú kudá' ugwa i ti'iit qoomár Esau hhiyaawók kuwa ilaagóp.»

IIMU/UUNGW 35:12

Yaamuká' naa Abrahamu nee Isaka i haniís, ngi kuúng i haniís sleeme, tawa kók nee xwayladá' ta aluuwók wa laqwaali.»

IIMU/UUNGW 35:15

Yakobo didá' gari báy Beteli, didá' Mungú iwa axweés nee inós.

IIMU/UUNGW 35:17

Qoomár asltadá' ngiwa slahh'és, alee/isuso'oodá' gari beér. «Ma da'ayumiitaar, asma garma u malé xwayluúr.»

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

IIMU/UUNGW 48:3

Yakobo Yosefu guri báy, «Munguú duú Aleesleemusmo ina i ti'iít baraá Lusu, ar baraá yaamaá Kana'ani, iri tsuúq.

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

1 QOM'I 16:18

iwa oó', «Yaamaá Kana'ani ngi haniís tawa aalirhúng.»

WARA'AMI 105:11

Giri báy, «Yaamaá Kana'ani ngi haniís tari yaamuuhúng awa ta ala'.»

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

AMOS 7:7

AAKOÓ MUNGÚ ina male iigu'utúy laqán. Aníng niri qaytsiít, Aako aa sihhiít bihhaá koo/ír taa qoomeés ar hhutlmoó taa saga muqslír i tseék, inós hhutlmoowí gu kón.

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.