IIMU/UUNGW 27:46 - Biblía Axweesantá Hhohho' ar Mungú 2004

⁴⁶ Rebeka Isaka guri beér, «Aníng amohhooa a koomaaká baraá slafingw'eene as /ameenarír Hiti. Yakobo /ameenír wák ar múk Hiti birnga duúx, gár nis slaaf a milá?»

IIMU/UUNGW 27:46 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 28:8

Esau gari tsaáhh adór baabuúwós kur sla'atimisiiká nee /ameenár Kana'ani.

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

YOBU 14:13

A tsiní geera bar iga lú/ baraá gi'i, tay qoomár muneerók i pu'ut. Ay dír qoomaadá' naa hanís i fak, nee iri insleér.

YOBU 7:16

Aga slaaqaát, slafiingw u sla'aaká, aníng mawaaré', slafingw'eé' a adór hiinsluú tawo.

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»