IIMU/UUNGW 27:41 - Biblía Axweesantá Hhohho' ar Mungú 2004

⁴¹ Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 27:41 Iomraidhean Croise

IIMU/UUNGW 27:42

Ala Rebeka kángw Esau garmaawós kudá' úr guri axás. Hee guri ya/áp Yakobo garmaawós kudá' niiná nguwa ateeti, guri beér, «Ti harmagahh, hhiyaawók Esau ti gurkwa/amis as kuúng uwa gaasár wa slai.

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

IIMU/UUNGW 32:3

Yakobo ya/abuuse gari geerakawís amór hhiyaawós Esau, amór Seiri baraá yaamaá Edomu.

IIMU/UUNGW 32:6

Ya/abuuseedá' iri kí/ amór Yakobo, kuri báy, «Ana hardahaán amór hhiyaawók Esau, inós i loohír i dirii' as uwa ilaoohi, nee múk tsiire tsiyáhh ti koná'.»

IIMU/UUNGW 35:29

Isaka a aakoó aa uray, diimay gway daáhh, kuri foól nee daaqaywós Esau nee Yakobo.

IIMU/UUNGW 37:18

Hhaeewós nguri amorqá' saáwí ariyé'. Inós qoomár iwa hardihiiká amor'ín i alé, tana kilooín axweés as kuwa gaasi.

IIMU/UUNGW 37:4

Hhaeewós ngiwa tsaahhiyé' adór Yosefu kur ló' wa slai nee baabá ta inooine, Yosefu kuri ló' wa aáhh, tay sangw waydúr hootiiká.

IIMU/UUNGW 37:8

Hhaeewós nguri bayé', «Xáy, kuúng tin sa waawuti'iínda? Kuúng tin bála?» Kuri ló' wa aáhh as tlataawós nee axweesantós.

IIMU/UUNGW 50:15

Hha'aá Yosefu ngiwa ariyé' baabuúín aa gwaá', tari oó', «Hám wané Yosefu daxta ti aahh, tiwa li/áy bui, kuduú tlakweemaadá' naa inós i tleehhaán.»

IIMU/UUNGW 50:2

Yosefu sagadiyuuseerós tidár qwaslaare gari kángw báy, baabá kuwa sliki ar mooyangwdá' iwa tsutsuiiká. Kuri sliík ar mooyangwdá'.

2 QOM'I 35:24

Inooín ngway hingeesiyé' gawaá gaáriirose, ngway tsa/aasiyé' gawaá gaáriirós ar tsár. Ngway huwiyé' Yerusalemu, iri amodií gwaá'. Kuri foól baraá /antaá baabi'iiwós. Múk Yuda sleémeero tari tsuunqumiís.

WARA'AMI 142:3

Qoomár diqyaá ya'aaeé' birna tsatiitiyé', adór án ni laaq inós ga xuu'. Baraá loohidaádá' án niwa hi'iimiita, tlakuuse án iga tsaaxweelír i qás gari lú/.

WARA'AMI 35:14

Tina adór heé mulqumo laáq oo hhiyaawós alee/aa/amiím. Tambeera ina áy as gurhaami, adór heé tsuunqumiís as gwa'arár aayírós.

WARA'AMI 37:16

Daqaari'iimár niina ar heé hhoó' i kon ka afhhamít ta ak daqaari'iimár yaariir ar múk tlakwe.

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

AXWEESANOÓ SAGALOOA 18:19

Hhiyoó taa buhhtís ku gawít haraki/isaro ta koo/ír gawit ar gixsaro, Ala gila a adór muqslír taa afkú dó' ar tsegaagiti.

AXWEESANOÓ SAGALOOA 6:14

Gár baraá muunaáwós a tlakweema, slám gin aldakuut umuú daqto. Nee tlaahhi gan qamín.

DAHARUSMO 7:9

Ma gaanslár buhhaar baraawoge, asma buhhta i baraá munér daktana.

ESEKIELI 35:5

«Kiíng ana wakuso'ór daqisleém tleehhít dír múk Israeliro, nee múk yaariír una tsú/ ar paánga qoomár tawa baraá slahh'amuuínií dirii'i, nee iwa baraá sakwasleemar'ín ar alhhe'eesáy dirii'iya'.

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.