IIMU/UUNGW 27:39 - Biblía Axweesantá Hhohho' ar Mungú 2004

³⁹ Naagáy Esau kuri báy nee Isaka baabuúwós, «Hotaangók ku saáw dír hhapér hhoe, nee kuúng tu saáw dír har'uú dooriwo.

IIMU/UUNGW 27:39 Iomraidhean Croise

IIMU/UUNGW 27:27

Naagáy Yakobo iri suruúk dír baabuúwós, guri ma'aás. Baabuúwós xarángw tlabaawós nguwa sláy, guri tsuúq, i kaahi, «Ga/aaweek, xarángw tsuú' oo garmaaeé' a adór xarángw qaymór taa tsuúq nee AAKOÓ MUNGÚ.

IIMU/UUNGW 27:28

Mungú har'uú doori ngu haniisi, hhapér hho' ngi haniisi, balaangw nee difaáiro ni hamaariye'.

IIMU/UUNGW 33:9

Ala Esau iri oó', «Hhiyaaeé', án daqaari'iimár bu'uut a koóm. Tisíng ta koon tók tiwa amohhe'eemis.»

DABE 33:13

Nee daanduú tlahhoó Yosefuwo ina oó', «Yaamuuwós ki tsuuqi nee AAKOÓ MUNGÚ ar tsuuqaadá' hhoohhoo' awa gawaá dooraá dahhá', nee ar tsuuqaadá' baraá yaamaá dahhá'.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

Ebrania 11:20

Isaka sleeme a heé haratlintaaór koóm, tam Yakobo nee Esau giri tsuúq. Asma tsuuqaadá' aa al'axweés a daanduú muruudá' aluú wa hardáh.

YOSHUA 24:4

Isaka nguri Yakobo nee Esauwí haniís. Esau nguri tlom'aá yaamaá Seirírí haniís tawa aalirós. Ala Yakobo nee na/iiwós nina /eetiyé' Misri.