IIMU/UUNGW 27:29 - Biblía Axweesantá Hhohho' ar Mungú 2004

²⁹ Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

IIMU/UUNGW 27:29 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 25:33

Yakobo guri báy, «Lo'o ala geerií /ayeek.» Naagáy Esau lo'o gari /aáy, Yakobo guri uroó barisi'iimarós i weeriís.

IIMU/UUNGW 27:30

Isaka Yakobo tsuuqaro nguwa hhe'eés, nee Yakobo hamtidár kilae niwa ti'iít dír baabuúwose, Esau hhiyoó Yakobo nina harakií/ baraá slaktuú wa alé.

IIMU/UUNGW 27:37

Isaka iri oó', «Yakobo ugwa waawutmoowók tleéhh, nee hhaeewós iga haniís tawa sagadiyuuseerós. Ugwa balángw i haniís nee difaáiro. Gár uy tleehh daxta garmaaeé'?»

IIMU/UUNGW 27:40

Muruú /aymaarók un slasleér ar lawaala, kuúng hhiyaawók un sagadiyús, ala qooma i xeér ar kuúng /uuru kuwa malé sleer Qoomaadae taaqwani an hingés gawaá istoge.»

IIMU/UUNGW 37:10

Baabuúwós nee hhaeewós ngiwa ádbáy, baabá guri iigahhaát, guri báy, «Tlataaká' a gaalá laá taa tlatiitiín? Xáy, án nee aayiírók nee hhaeewók unqo i xupuuána ay yaamu?»

IIMU/UUNGW 37:7

‹Aníng nee kuungá' bareemák a ileeraá hhaanslaá tsegiitaán baraá qaymór wa alé. Ilangw'eé' ina sihhiít, nee ileerihúng ilangw'eé' nguna harweeriyé', nari xupuuiyé' dír ilangw'eé'.› »

IIMU/UUNGW 9:27

Mungú Yafeti ngu ureesi, nee i baraá heémár Shemu wa hooti, nee Kana'ani ta lawaalmoowós.»

1 WAAWITÁ 22:47

Baraá yaamaá Edomuwo waawutmo i kaahh, yaamuuká' kina sawaawuti'ín nee alee/isusmoó waawutmo.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 QOM'I 5:2

Ala tlahhoó Yuda tam i /uuruú kona dír hhaeewose, nee tam waawituú múk Israeli ku tsawdaditi baraá tlahhoó Yuda wa ale, ala heé hariímár garmoó baris gaa oh a Yosefu.

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

FAARO 23:8

Heé Mungú aa lu'usiiká adór ngur lu'us a adoomá? Heé AAKOÓ MUNGÚ aa tli/isiiká adór ngur tli/is a adoomá?

FAARO 24:18

Inós múk Edomu guri sawaawuti'ín, wakuuseerós tidár Seiri tari tós, múk Israeli baalír ur gari sláy.

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Rumi 9:12

Qoomaadae Mungú Rebeka gari báy, «Garmoó úr garmoó niiná gu sagadiyuus.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»