IIMU/UUNGW 27:28 - Biblía Axweesantá Hhohho' ar Mungú 2004

²⁸ Mungú har'uú doori ngu haniisi, hhapér hho' ngi haniisi, balaangw nee difaáiro ni hamaariye'.

IIMU/UUNGW 27:28 Iomraidhean Croise

IIMU/UUNGW 27:37

Isaka iri oó', «Yakobo ugwa waawutmoowók tleéhh, nee hhaeewós iga haniís tawa sagadiyuuseerós. Ugwa balángw i haniís nee difaáiro. Gár uy tleehh daxta garmaaeé'?»

IIMU/UUNGW 27:39

Naagáy Esau kuri báy nee Isaka baabuúwós, «Hotaangók ku saáw dír hhapér hhoe, nee kuúng tu saáw dír har'uú dooriwo.

IIMU/UUNGW 45:18

Baabuúhúng huwaare', nee múk do'ós sleémeero, án yaamaá hhoo' ngi haniís baraá yaamaá Misriro, daqaari'iimár yaamuká' a sleerá'.

IIMU/UUNGW 49:20

«Bu'úngw Asheri ku yaariír, inós muruú /aymaadá' waawutumoó wa hariim ngu duux.

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

2 SAMUELI 1:21

«Kuungaá tlom'aá Gilboa, tluwaay miwa tluúw ayahunge, tam qamuhúng mindiwa gaa hamaresiyé' umuú qoomaaro, asma amoosinge gaambuudaá miguuse kaa meetagaás, gaambór Saulo kaa slikiiká ar di/i.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 5:11

Solomon Hiramu guri darama'aá kume mibeeri tsár awa aangaánií haniís nee darama'aá mibeeri tsár wa di/tá hhohho' ar seituúni. Muruuwí Solomon guna Hiramu i hanmiís umuú kurko.

2 QOM'I 2:10

Mukduú xaai tlaaqa aníng u /aymiís, ar puuruú angaáno oo taa tuú' oo guniyadu kume tsár, nee guniyadu kume tsár awa angaánooduú shayiri, nee liíta kume tsiire tsiyáhh ar difaái, nee liíta kume tsiire tsiyáhh ar di/i.»

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 36:8

In aaxís ar du/ú do'ók, hhooeemaawók i wa/aminá' adór ma'aá yaae, mukók gin wahán.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 3:20

Inós iloo gina ka'amiís ar xu'utirós. Tam huunkáy sleeme i har'uú paahhamiis.

ISAYA 45:8

Kuungaá doóri, gáwtá wá tluwaaré' huunkáy hotaá ganaa'á' ngi paahhamiisi, yaamu i gweeritiye' ba/ama ngi huwiye' nee hotaá ganaa'á' ngi duuxiye'. Aníng a AAKOÓ MUNGÚ kudá' muruuwí gwa tleehh.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

Yoeli 2:19

AAKOÓ MUNGÚ iri mu/aywaáts, mukós guri báy, «Ga/aawaak, balaangw ngu haniís, nee difaái, nee di/i, kuungá' tari axá' muruuwihe, slám nu baloó mureekeesaaká baraá tla/ángw xoorduuwo.

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

FAARO 13:20

Yaamu xuuxuuaak, xáy i wahhaaría, laqaá yaamaá tawo kaahaar, nee i xaa'aá koná'a' laqaá i kahhiyá'. Kuungá' masók a pihh'uumár koondá', nee birni ki/á' masók mamaá yaamuudá' ngi bahh hubá'.» Qoomaadá' an qoomár mamaá sabiíbu iwa hamnoó slaiya'.

FAARO 18:12

«Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

DABE 33:13

Nee daanduú tlahhoó Yosefuwo ina oó', «Yaamuuwós ki tsuuqi nee AAKOÓ MUNGÚ ar tsuuqaadá' hhoohhoo' awa gawaá dooraá dahhá', nee ar tsuuqaadá' baraá yaamaá dahhá'.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

Ebrania 11:20

Isaka sleeme a heé haratlintaaór koóm, tam Yakobo nee Esau giri tsuúq. Asma tsuuqaadá' aa al'axweés a daanduú muruudá' aluú wa hardáh.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.