IIMU/UUNGW 26:31 - Biblía Axweesantá Hhohho' ar Mungú 2004

³¹ Looitleerós nay tseewa tlayé', lo'o ngiri /ayiyé'. Isaka giri haydohiís, tiri deelórí ooiyé' nee inooín ar wayda.

IIMU/UUNGW 26:31 Iomraidhean Croise

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

IIMU/UUNGW 19:2

Loti giri báy, «Bariiser'eé', na'asé' do' awaare'. Na'asé' dahaaré' baraá doó lawaalmoohúng i alé, ni delá'. Ya'aahúng hamaatlaak, daqaní matlaatlér boo/e ta tseewa tleerá', ta kumiitá' aaiiwo.» Malaykeedá' tari oó', «Aasla'áy, a adoosingeeká, atén looa a tsee/aá wa tleesaán.»

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 21:23

Gím daxta, lo'o /ayeek ar umuú Mungú, ar kuúng gár tlaakw ngiwa aníng i tlehhká, laqaá na/iieé', laqaá na/aá nangw'eé', ala aqo ar adoodár gurhhooadá' aníng naa kuúng i tleéhh, kuúng ngin aníng i tléhh, baraá yaamuká' tawa hot.»

IIMU/UUNGW 21:27

Abrahamu hikwa nee bee/aangw giri haniís dír Abimeleki, inooín tsaraawo al'axweesani kari káh.

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

IIMU/UUNGW 25:33

Yakobo guri báy, «Lo'o ala geerií /ayeek.» Naagáy Esau lo'o gari /aáy, Yakobo guri uroó barisi'iimarós i weeriís.

IIMU/UUNGW 26:32

Baldár kilae Isaka sagadiyuuseerós guna i hardát, ngway kángw hhalangwdá' bayé', kudá' naa fooliyé', tawa kaahi, «Ma'aay iga slawaán.»

IIMU/UUNGW 31:44

Ala daxta aníng nee kuúng al'axweesani a tleehhaán, asma tawa lamabu'uungw tla/angwrene.»

IIMU/UUNGW 31:55

Matlaatlér boo/e, Labani iri tláy qatuuwo, dasuuwós nee haywaá dasuuwós giri ma'amiís, giri tsuúq. Naagáy iri tláy, iri kií/ amór do'.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 30:15

Daudi heé aáng guri yaahaás, «Xáy aníng i laalaqása amór daqtidá'.» Garmaadá' guri báy, «Bar lo'o aga /ák ar umuú Mungú as aníng iwa gaská, sleeme i baraá dabaá aakooeénií qaská, daqaní u huúw.»