IIMU/UUNGW 26:3 - Biblía Axweesantá Hhohho' ar Mungú 2004

³ Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 26:3 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 13:17

Sihhiít, hi'iimiít baraá yaamuká' wa alé, baraá bihheerós nee tlenaangose. Asma yaamuká' ngin kuúngí haniís.»

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 20:1

Abrahamu iri tláy yaamaá Mamrér wa alé, iri baskú xuú' ay yaamaá Negebu. Iri tla/ángw Kadeshi nee Shurír wa hoót. Naagáy iri hi'iimiít baraá Gerari wa alé.

IIMU/UUNGW 25:11

Alaá Abrahamu iwa gwaá', garmaawós Isaka kuri tsuúq nee Mungú. Isaka ina hoót bihhaá hhalángw Lahai-roi wa alé.

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 26:14

Bee/aangw nee hikwa gi kón, nee sagadiyuusér yaariir, tam múk Filisti gur'e guri ohiín.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

IIMU/UUNGW 35:12

Yaamuká' naa Abrahamu nee Isaka i haniís, ngi kuúng i haniís sleeme, tawa kók nee xwayladá' ta aluuwók wa laqwaali.»

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

WARA'AMI 105:8

Inós alqadoorós ga baloó gunqaresiiká ay kureeraá kureér, hara'ayaarós tidá' aa oó' gan boo/eemaamiis umuúqo qarto.

WARA'AMI 105:9

Alqadoorós tidá' aa oó' dír Abrahamu gana boo/eés. Nee tidá' aa Isakí báy aqo gana boo/eés.

WARA'AMI 32:8

Aako i kaahi aníng kuúng un intsaahhatís, nee lohduuwók ngi qwatsiím. Án kuúng un gan'amiís ar inkihhimu.

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

Filipi 4:9

Muruudá' taa dir'eé' wa intsahhé' nee kudá' taa ilaoté' tleehhaak, tam kudá' taa aandé' nee oo taa axasé' dir'eé' wa ale sleeme. Daqaní Munguú wayduú koóm i dinkwa nee kuungá'.

Ebrania 11:9

Iri hoót ar haratlintaao baraá yaamuudá' Mungú aa dirósií al'axweés. Ala inós a adór dahaaymo baraá yaamuudae. Ina hoót baraá heémár wa ale tam Isaka nee Yakobo sleeme tana baraá heémár hoót al'axweesantadá' Mungú aa oó' kari sláy.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.