IIMU/UUNGW 26:28 - Biblía Axweesantá Hhohho' ar Mungú 2004

²⁸ Inooín nguri mu/aywatsiyé', «Aga araán ar geehhoeema adór AAKOÓ MUNGÚ nee kuúng tar dinkwa. Gawaá adoorihe ana araán i hariín lo'o ngiwa al/ayaan nee kuúng, nee al'axweesani ngiwa tleehhaan,

IIMU/UUNGW 26:28 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 24:41

Kuúng bara hardát dír muk'eé', inooín dasi biringa hanisi'iiká, lo'or'eé' tí u eeraaká.»

IIMU/UUNGW 31:44

Ala daxta aníng nee kuúng al'axweesani a tleehhaán, asma tawa lamabu'uungw tla/angwrene.»

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

IIMU/UUNGW 39:5

Iimír Yosefu nguwa qaás tawa sageesihhtusmoó umuúqo gaaro baraá do'ose, AAKOÓ MUNGÚ doó Potifa guri tsuúq as Yosefu. Umuúqo gár i kona baraá do'o tam baraá qaymooro gari tsuúq.

2 QOM'I 1:1

Solomon garmoó waawutmo Daudi waawuti'iimarós gana gawdeés. AAKOÓ MUNGÚ Munguúwós i dinkwa nee inós, inós kuri iiatleereés nee Mungú.

2 QOM'I 15:9

Asa muu sleémeero oo Yuda nee oo Benyaminiwo guna ateét, nee múk hatlá' kuduú baraá yaamuuwós hoót, múk Efraimu nee Manase nee Simeon. Kuká' tina paraatliyé' dír múk Israeliro, niri hotaá ayé' baraá yaamuuwós qoomár kawa ár AAKOÓ MUNGÚ, Munguúwós, tawa dinkwa nee inós.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.

1 SAMUELI 11:1

Nahashi heé Amoni, iri waatláy amór Yabesh-gileadi, gixsadá' kari harweér nee mukose, muu sleémeero oo Yabeshi Nahashi guri báy, «Al'axweesani dirén i ooang, daqaní atén kuúng u sagadiyuusaán.»

1 SAMUELI 18:28

Saulo ngiwa ár gari tsaáhh, adór Daudi nee AAKOÓ MUNGÚ tar dinkwa, nee adór dasiirós Mikali Daudi ngur sla'.