IIMU/UUNGW 26:23 - Biblía Axweesantá Hhohho' ar Mungú 2004

²³ Isaka iri amoodá' wa tláy ay Be'er-sheba.

IIMU/UUNGW 26:23 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 21:31

Gawaá adoorihe umuú didá' kuri báy, Be'er-sheba, asma inooín tsaraawo lo'o ngina didá' wa /ayé'.

IIMU/UUNGW 22:19

Abrahamu iri kií/ amór daaqaywós, tari tláy, tay alkií/ ay Be'er-sheba. Abrahamu iri hoót baraá Be'er-shebár wa alé.

IIMU/UUNGW 28:10

Yakobo iri Be'er-shebár wa tláy, iri amór Haranír xuú'.

IIMU/UUNGW 46:1

Israeli iri aaií káy dinkwa nee muruudá' sleémeero iqo kona. Iri hardáh ay Be'er-sheba. Ilahhooár muruú ta tsu/i gari haniís dír Munguú baabuúwós Isaka.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.