IIMU/UUNGW 26:20 - Biblía Axweesantá Hhohho' ar Mungú 2004

²⁰ De'eemuusér ayaá Gerari tina aeér nee de'eemuusér Isaka, tana káh, «Ma'ayká' a koorén.» Isaka hhalangwdá' guri báy Eseki, asma inós nee de'eemuuseedá' tina a'ayé'.

IIMU/UUNGW 26:20 Iomraidhean Croise

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

IIMU/UUNGW 21:25

Abrahamu iri quraruú/ dír Abimeleki, asma hhalángw ma'aay kudá' sagadiyuusér Abimeleki aa hayót.

IIMU/UUNGW 26:19

Ala sagadiyuusér Isaka tawa hhaleeraá foliiti baraá xatstadá' wa ale, kutltá ur kana harati'iít ar ma'aá yaariír koom.

IIMU/UUNGW 26:21

Aluuwo hhalángw hatlá' nguri fooliyé', tiri malé a'ayé', Isaka hhalangwdá' guri báy Sitna.

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.