IIMU/UUNGW 26:2 - Biblía Axweesantá Hhohho' ar Mungú 2004

² AAKOÓ MUNGUÚ Isaka guri i ti'iít, gway báy, «Ma tlawaar Misri, ala na hoót baraá yaamuudá' ni kuúngií oo'.

IIMU/UUNGW 26:2 Iomraidhean Croise

IIMU/UUNGW 12:1

AAKOÓ MUNGÚ Abramu guri báy, «Ti'iít, kuúng, baraá yaamuuwoge nee baraá mar'eefowoge nee doó baabuúwoge, tláw ay baraá yaamaá án ni kuúngií laqaam.

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 18:1

AAKOÓ MUNGUÚ Abrahamu guna harati'iít baraá yaamaá Mamre. Abrahamu qoomaadae i iwiwiit dír afkú heémarós wa alé, qoomár siree/ír tlaatla/aangw.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

WARA'AMI 25:12

Heé AAKOÓ MUNGÚ gu ilaiwawaá/ a heemá? Mungú inós gu intsaahhatis loohír i tsawaari.

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.