IIMU/UUNGW 26:12 - Biblía Axweesantá Hhohho' ar Mungú 2004

¹² Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 26:12 Iomraidhean Croise

IIMU/UUNGW 24:1

Abrahamu daxta aa dín, a heé kureeraá yaariir ga /aay, AAKOÓ MUNGÚ gwaa tsuúq baraá mura' sleémeero.

IIMU/UUNGW 24:35

AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 25:11

Alaá Abrahamu iwa gwaá', garmaawós Isaka kuri tsuúq nee Mungú. Isaka ina hoót bihhaá hhalángw Lahai-roi wa alé.

IIMU/UUNGW 26:29

adór kuúng atén tiwa gaa /iská, adoodá' atén kuúng ura gaa /iisaniiká. Atén una hhooeemií tleehhaán, uri mawaán tari tleér ar wayda. Gár tlaakw ar naa kuúngií tleehhaán i káhh. Nee daxta kuúng a heé taa tsuúq nee AAKOÓ MUNGÚ.»

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 30:30

Qoomár án niwa hardihiiká, daqaari'iimarók ka niina. Hám daxta aa doogiín, nee AAKOÓ MUNGÚ kuúng ugwa tsuúq umuúqo dír naa kawi. Hám daxta a xaylá aníng ti kilooeé' aleeslaw?»

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 67:6

Yaamu bu'uungw ngwa hamaaresiyé', AAKOÓ MUNGÚ, Munguúrén, taa tsuúq.

WARA'AMI 72:16

Balángw yaariír i hamaari baraá yaamuwo, ay gawaá tlom'i, bu'uungw /ar'i ngi lalay, mamuuwós ta adór kuqaá yaamaá Lebanoni, nee múk baraá gixsa i tlahhi adoodár gitso ir slu/ubibiin baraá yaamuwo.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

Matayo 13:23

Nee kudá' aa paahh baraá hhapér hho', an slaqsoó múk axweesantadá' gaa axaas, nee gár i kat gari tsaáhh. Axweesantadá' baraá muner'ine iri laqwál, oo wák mamu ay tsiiru, nee kuqá' mamu mibeeri lahhoó', nee oo hatlá' mamu mibeeri tám.»

Matayo 13:8

Nee dahaasíngw hatlá' iri paáhh dír hhapér hho', iri laqwaál, oo wák tsiiru, nee oo wák mibeeri lahhoó', nee oo hatlá' mibeeri tám.

Marko 4:8

Dahaasíngw hatlá' iri paáhh dír hhapér hho'. Dahaasingwdá' niri ti'iít, iri uraaráy, iri laqwaál, oo wák mamu mibeeri tám, nee oo wák mamu mibeeri lahhoó', nee oo hatlá' mamu tsiiru.»

1 Korinto 3:6

Aníng ana dahaasiím. Apolo ma'aay gina eemiís. Ala heé aa ureemiis a Mungú.