IIMU/UUNGW 25:6 - Biblía Axweesantá Hhohho' ar Mungú 2004

⁶ Ala qoomár iwa slafi, daaqoó /ameenár hatlá' guna qáy. Daaqaydá' guri loohatís, giri da/ií saweés dír garmaawós Isakawo.

IIMU/UUNGW 25:6 Iomraidhean Croise

IIMU/UUNGW 16:3

Alaá Abramu kureeraá mibaangw ngiwa hoót baraá yaamaá Kana'aniro, Sarai harér Abramu, Hagari tidár Misri ar sagadiyuso'oorós, gari hanís dír Abramu hhawaatuuwós tawa adór hareerós.

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 25:1

Abrahamu harér hatlá' gari duúx, umuuwós a Ketura.

IIMU/UUNGW 29:1

Yakobo ina kumiít aaiiwose, iri hardáh baraá yaamaá múk da/aáw.

IIMU/UUNGW 30:4

Raheli sagadiyuso'oorós tidá' gari hanís dír Yakobo i alé, tawa adór hareerós. Yakobo nee Bilha tari alqaát.

IIMU/UUNGW 30:9

Lea ngiwa aán i laqwaliindaaká, sagadiyuso'oorós Silpa gari hanís dír hhawaatuuwós Yakobo tawa adór hareerós.

IIMU/UUNGW 32:22

Xweeradaá kilae Yakobo iri daarkiít, tlaawaywós tsaraawo gurir tláy, sagadiyuuseerós tsaraawo nee na/iiwós kudá' mibaá nee wak, yaae gari waaraáhh dír dahhsantá ta babay Yaboki.

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

2 QOM'I 11:21

Rehoboamu tlaaway ngu kon a mibaá nee dakaát, /ameenár quturmo wasl a mibeeri lahhoó'. Daaqaay ngwaa laqwaál a mibeeri tsár nee dakaát, nee dasu ngu kon a mibeeri lahhoó'. Ma'aka dasír Absalomu gaa ló'wa slaá' baraá tlaawaywose nee /ameenadár quturmo wasle.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

HAR'OHUUSE 19:4

Baabuú /ameenidá' guri ilaá/, tay hoót amoodá' wa ale deelo tame, tay /ayín tay wahán.

HAR'OHUUSE 6:3

Umuú daqto múk Israeli balaangw burngwa dahaasiyé' baraá qamuuín, múk Midiani nee oo Amaleki, nee oo hatlá' kuduú da/aáw, tan haraatláy amor'ín.