IIMU/UUNGW 25:34 - Biblía Axweesantá Hhohho' ar Mungú 2004

³⁴ Yakobo Esau guri mikaáte nee deénguú i haniís. Esau iri wahán. Aluuwo iri tláy. Adoorí an adór Esau uraywós ngura weeriís.

IIMU/UUNGW 25:34 Iomraidhean Croise

IIMU/UUNGW 25:29

Looarka wake Yakobo i deénguú huurín, Esau naa haraakií/ baraá slaktuú wa alé. Esau aa ló'wa qwariít.

IIMU/UUNGW 25:33

Yakobo guri báy, «Lo'o ala geerií /ayeek.» Naagáy Esau lo'o gari /aáy, Yakobo guri uroó barisi'iimarós i weeriís.

IIMU/UUNGW 26:1

Giyér hatlá' nina tleér baraá yaamuwo adór tidár qoomár slafíngw Abrahamu. Isaka iri tláy ay Gerari amór waawutmo Abimeleki oo múk Filisti.

IIMU/UUNGW 27:32

Isaka guri yaahaás, «Kuúng a heemá?» Inós iri oó', «A aníng garmaawók Esau, barsuuwók.»

WARA'AMI 106:24

Yaamuudá' hhoohhoo' ngiri waaqaaiyé', asma al'axweesantá Mungú nga haratlinti'ii'iiká.

DAHARUSMO 8:15

Aníng qwala/ una xirfayeés, asma hee gár gu qwal/aas i káhh baraá daanduú yaamuwo, aqo har /ayma nee wahaangw nee qaseengw. Tí kilós an gár hee i aleeslay tleehhamooro baraá gadiyeeduwose baraá slafingwí Mungú aa dirósí haniisi baraakaá yaamuwo.

ISAYA 22:13

Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

SEKARIA 11:13

Aluuwo AAKOÓ MUNGÚ aníng iri báy, «Tláw peésaasíng kwahheek baraá tlakoó doó Mungú, gaasíng a bu'utuú hariím as gadiyér'eé'.» Naagáy aníng parhheemoodaá mibeeraá tám awa peésa ngiri kwaáhh baraá tlakoó doó Mungú.

Matayo 22:5

Ala inooín kaa gaárií xuiiká. Tana tlatláy, kooko ina baraá qaymoorósí tláy, kooko ina baraá halaanu'uumarósí tláy.

Matayo 26:15

Iri oó', «Án barnaxes ngu dirhúng i sakií/, gár ni hanisa' a milá?» shiliíngi mibeeri tám kay dirósí haniís.

Tlehhema'aá ya/Abuuse 13:41

‹Qaytsité' kuungaásingá' waaqaqa'á', waa/oo/é' nee qwaaré', asma án gadiyérka a tleéhh baraá deelorhunge, gadiyér kuungá' ya/aamaro ta aleesleera'aaká, tam kingi ooi.› »

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»