IIMU/UUNGW 25:3 - Biblía Axweesantá Hhohho' ar Mungú 2004

³ Yokshani iri laqwaál Sheba nee Dedani. Nee xwaylár Dedani tari múk Ashuru, nee múk Letushi nee múk Leumi.

IIMU/UUNGW 25:3 Iomraidhean Croise

IIMU/UUNGW 25:2

Ketura Abrahamu guri daaqaywí xwayluúr: Simrani nee Yokshani, nee Medani, nee Midiani, nee Ishbaki nee Shua.

IIMU/UUNGW 25:4

Daaqoó Midiani an Efa, nee Eferi, nee Hanoki, nee Abida nee Elda'a. Kuká' sleémeero an na/aá Ketura.

2 SAMUELI 2:9

Amoodae Abneri Ishbosheti guri waawutmoó yaamaá Gileadír wa qaás nee oo Ashuru, nee oo Yesre'eli, nee oo Efraimu nee oo Benyamini nee oo yaamaá Israeli sleémeero.

1 WAAWITÁ 10:1

Waawuto'ór yaamaá Sheba xirfuú Solomon as umuú AAKOÓ MUNGÚ nguwa axás, nina hardát amór Solomon as nguwa yaahamis ar /ayma'aá gawden.

YOBU 6:19

Aauusér yaamaá Tema i ma'aá leelehhít, aauusér yaamaá Sheba i harahhifór koón ma'aay ngiwa slaya',

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 21:13

Kaangwí a geehhoeemaá Mungú aa laqán daanduú yaamaá Ma/arabuwo. Kuungaásaá aauusér Dedani, heemaduuhúng sihhaak xweeraá laarí baraá yaamaá sla/a awa Ma/arabu.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

YEREMIA 25:23

Nee yaamuloouusér Dedani, nee ar Tema, nee ar Busi, nee muu sleémeero kudá' sagér deeqwaquút, nee soqoorír gixaaxáw tla/ángw saga.

YEREMIA 49:8

Yaamuloouusér Dedani, kuungá' /akumiité', warqawé' hota awaak baraá nahhaata. Asma xwaylár Esau aníng a slahh'amií huúw, qoomár ngiwa muux bir naa xeér.

ESEKIELI 25:13

Gawaá adoorihe, anuú Aakoó MUNGÚ a kah, Aníng dakw'eé' u tleés gawaá múk Edomu, nee muu sleémeero nee makaywo ngiri tsuú/. Yaamuuín i deewa'atís iimír gixsár Temani ay gixsár Dedani, muu ku hhaamiis ar paánga.

ESEKIELI 27:15

Múk Dedani halaanu'uuma gana tleéhh nee kiíng. Yaamaá afkú tlawi an dír kiíng muruuwók kwi weeramaamis. Mukós ina xareemaá daaweérí huúw nee meendáy as tawa bu'utuú muruuwók.

ESEKIELI 27:20

Múk Dedani halaanu'uuma kana tleéhh nee kiíng, as inqwaruú ta gawaá farsií hhafiin kuwa amoorók i weermiisi.

ESEKIELI 27:6

Xaa'aá ti'ita kina leéhh Bashanírí alé, kiri hhaansi'ír tleéhh awa miringe madit. Nee xooslár slaqwara kana tleéhh ar xa'anoó ta bay sunobaárí Kiprór daahh, nee kari qaalín ar xareemaá daawe.