IIMU/UUNGW 25:21 - Biblía Axweesantá Hhohho' ar Mungú 2004

²¹ Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

IIMU/UUNGW 25:21 Iomraidhean Croise

IIMU/UUNGW 11:30

Sarai a kampeeri, inós na/aay gwa sleeriiká.

IIMU/UUNGW 16:2

Sarai Abramu guna beér, «Ala daxta AAKOÓ MUNGÚ aníng iga xwayla ilaá/ as mawa laqwaál. Alqaaté' nee sagadiyuso'or'eé', doóqa garma u sláw ar inós.» Abramu afór Sarai gari iiárií qaás.

IIMU/UUNGW 30:22

Mungú Raheli gari insláy, gari iiárií qaás, gari xwaylárí haniís.

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 33:13

Mungú firoorós gari axaás, kunguri ki/ís Yerusalemu baraá waawuti'iimarós. Naagáy Manase gari tsaáhh adór AAKOÓ MUNGÚ tar Munguú ló'.

ESRA 8:23

Naagáy tari gwaawimaán, Munguúrén kuri harhhehhe'eesaán as kaangwí, firoorén gari iiárií qaás.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 65:2

Kuúng firo a axamís, muu sleémeero u i hardah.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

AXWEESANOÓ SAGALOOA 10:24

Gadaádá' heé tlaákw i da'ayumiti gu sleér, heé ganaá' gadaádá' i slai ka haniis.

ISAYA 45:11

AAKOÓ MUNGÚ kudá' hhoohhoó' oo Israeli nee tleehharusmoó Israeli, i kaahi, «Xáy, aníng kuúng inqo yaahása daanduú na/iieene? Laqaá inqo gaa beéra daanduú gadiyér'eé' ar ni tlehhiita?

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:7

Ala inooín ta na/oó konká, asma Elisabeti a kampeeri, nee inooín tsaraawo naa diné'.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 1:17

Aluuwo Eli gari báy, «Tláw ar wayda, nee Munguú Israeli i qáy tidá' ta sla'a, adoodá' kura firiiriín.»

1 SAMUELI 1:2

Elkana tlaawaay ngu kon tsár, ar wák umuuwós ku bay Hana, tooka umuuwós a Penina. Penina i na/aá koón, ala Hana a kaampeeri.

1 SAMUELI 1:27

Una firiím as na/aywí nguwa aníngí haniisi. AAKOÓ MUNGÚ firor'eé' gana axaás, nguri haniís.