IIMU/UUNGW 24:44 - Biblía Axweesantá Hhohho' ar Mungú 2004

⁴⁴ Inós bira ó', ‹Gimáy waheek, nee tam angamíarók ngi wahaás sleeme,› masók inós ta dasír kuúng taa tsawát tawa harér garmoó aakooeé'.»

IIMU/UUNGW 24:44 Iomraidhean Croise

IIMU/UUNGW 2:22

Nee gwehhamodá' aa tuú/ baraá heé wa alé, AAKOÓ Mungú guri /ameenírár tleéhh, gari huúw dír heedaádá'.

IIMU/UUNGW 24:14

Ala dasír án ni baw, ‹Sirwirók ar ma'aay aweeriseek, ma'aá wahaango qawáng,› inós ma'aay ngiri aní hanís, dinkwa nee angamíar'eé' ngiwa wahas, tí masók an dasír kuúng taa tsawát sagadiyusmoowók Isáká wa alé. Adoorí bira tleehharút, daqaní aga xuú' adór tidá' taa dír aakooeéní ó' kara boo/és.»

IIMU/UUNGW 24:43

Án a diirí afaá hhalaangw, nee dasír ni hardah, tidá' naa hhek, aníng an baw, ‹Na'ás, ma'aá niiná awa wahaango qawáng, ar sirwirók.›

IIMU/UUNGW 24:45

Qoomár niwa hhe'eesiiká firooro baraá muunaáeene, naxés Rebeka nina hardát, i sirwirós koón gawaá suumarose. Ina awét baraá hhalaangw, ma'aay giri iihhék. Án ngiri báw, «Na'ás ma'aá wahaango qawáng.»

AXWEESANOÓ SAGALOOA 16:33

Muu tsawdo gan tleehh. Ala heé ta tsawaari a AAKOÓ MUNGÚ gun sláy.

AXWEESANOÓ SAGALOOA 18:22

Heé hare gaa slay gár hhoo' gaa sláy, Heewí kwa gurií baá/ nee AAKOÓ MUNGÚ.

AXWEESANOÓ SAGALOOA 19:14

Do' nee daqaari'iimaro a aalír hee i slay dír xwaylitérose. Ala harér sagaloo' dír hee ngiwa slay a dír AAKOÓ MUNGÚ.

ISAYA 32:8

Ala heé ta ilaiwawa/i gár i leelehhiiti a ilaiwa/ame, nee inós muruú ilaiwa/ame gun aleekalaa/.

1 Timoteo 2:10

Ala parootir'ín masók an tlehhema'aá hho'. Asma adoorí an adór hariim dír /ameenár, Munguú ilaiwawa/a.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.