IIMU/UUNGW 24:40 - Biblía Axweesantá Hhohho' ar Mungú 2004

⁴⁰ Ala inós iri oó', «AAKOÓ MUNGUÚDÁ' aní geeraharahaár baraá slafingw'eene, malaykamoowós ngu ya/aaw as nee kuúng tiwa koonda' nee uwa alee/iisi baraá aaiiwoge, kuúng garmaaeé' ngu harér i sleér baraá múk tlahhay'eé' wa alé, nee baraá guruú doó baabuúeé'.

IIMU/UUNGW 24:40 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 24:56

Ala inós ina oó', «Aasla'áy, mi tligmisara', barqo AAKOÓ MUNGÚ aníng iga alee/iís baraá aaiieene, ya/aamé' án niwa kii/ amór aakooeé'.»

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 48:15

Yosefu guri tsuúq, guri báy, «Munguú duú baabi'iieé' Abrahamu nee Isaka naa eehariyé', Munguúdá' aníng iga geeraharahaar slafingw'eé' sleémeero ay laarí,

IIMU/UUNGW 5:22

Enoki nee Mungú tana aldinku'uús baraá hotaawose. Alaá Metusela nguwa laqwaál, kureeraá aa hoót a tsiire tám, na/ii giri laqwaál awa daaqaay nee awa dasuwo.

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

1 WAAWITÁ 3:6

Solomon iri oó', «Kuúng sla'aarirók ar warqawaaká ana tléhh dír sagadiyusmoowók Daudi, baabuúeé', asma inós ina hoót dirók wa ale ar inkihhimu nee ar hotaá ganaa'á' nee ar daanqamis, kuúng una hootís ar sla'aarirók ar warqawaaká, hám daxta garmaawós kuri iwiitís gawaá kitaangós kuduú waawuti'iima.

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 16:8

AAKOÓ MUNGÚ i geeraaeé' umuú qoomaaro. Aníng ti baloó dingitisiiká, asma inós iwa dakw'eé' oo doó /iyáy i dirii'i.

WARA'AMI 91:11

Asma malaykeerós ngi amoorók i ya/aaw, u xuun baraá lohuuwók sleémeero.

TI'INAANGW 23:20

«Qaytsiít aníng malaykamo u geeraahúng wa ya/aáw as kuungá' nuwa xun, nee nuwa huwi ay baraá yaamuudá' naa amohhe'eés.

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 22:8

Anuú Yohane muruuwí una axaás nee nguri ár. Nee muruuwí nguwa hhe'eés axaasaro nee arto, aníng niri tumbarara'aát dír ya'aá malaykamoodá' muruuwí ngwa laqan, as inós nguwa sluufmiis.