IIMU/UUNGW 24:4 - Biblía Axweesantá Hhohho' ar Mungú 2004

⁴ Ala tláw ayaarén amór muk'eé' as garmaaeé' Isaka nguwa harér i sleer.»

IIMU/UUNGW 24:4 Iomraidhean Croise

IIMU/UUNGW 11:25

Nahori alaá Tera nguwa laqwaál, kureeri ngaa hoót a tsiiru nee mibaá nee gwaleél, na/aá hatlá' awa daaqaay nee dasu giri laqwaál.

IIMU/UUNGW 12:1

AAKOÓ MUNGÚ Abramu guri báy, «Ti'iít, kuúng, baraá yaamuuwoge nee baraá mar'eefowoge nee doó baabuúwoge, tláw ay baraá yaamaá án ni kuúngií laqaam.

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 24:38

Ala an tleér ay ayaaeé', amór muk'eé', as garmaaeé' Isaka kuwa harér i leelehh.»

IIMU/UUNGW 24:5

Sagadiyusmoodá' iri oó', «Hám barnaxés /ameenisíng aa sí' nee án tiwa alkoomaan amoorí alé, bar adoorí, xáy gár tiwa hariím a garmaawók un ki/ísaáke yaamuudá' ta dahh?»

IIMU/UUNGW 28:1

Naagáy Isaka Yakobo guri ateét, gway tsuúq, guri báy, «/Ameenír múk Kana'ani ma duuxaar.

IIMU/UUNGW 28:2

Tláw ay Padan-aramu, amór doó aakoowók Betueli, dasír wák baraá dasú maamáywók Labaniwo na duuxeek.

2 QOM'I 24:3

Yehoyada Yoashi guri tlaawoó tsár i sláy, tlaawaydá' inós nguri na/aá daaqaay nee awa dasú i laqwaaliyé'.

Ebrania 11:15

Geeraawo bar yaamaá ta leelehhiiti an kudá' ta dahhi, geera alók pa/aangw ku sláy oo tar ki/i.

HAR'OHUUSE 14:3

Ala xwayliiteerós guri beér, «Ahaá dasi tam ar wák iqo káhha baraá ayaawihe tam baraá mar'eefoorene, gár tas duxuun baraá xoorór ta hheehhe'emisiiká wa alé ar Filisti?» Ala Samson baabuúwós guri báy, «Dasír aníng ni duuxór wa slaa' a tidá', asma aníng iga sla'atís.»