IIMU/UUNGW 24:35 - Biblía Axweesantá Hhohho' ar Mungú 2004

³⁵ AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 24:35 Iomraidhean Croise

IIMU/UUNGW 12:16

Farao Abramu guri hhooeemií tleéhh as /ameenidá'. Abramu bee/aangw guri sláy, nee hikwa nee daqwaayér yaqaambe, nee lawaalér hhawaate nee ar /ameena, nee daqwaayér /ameena nee angamía.

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

IIMU/UUNGW 24:1

Abrahamu daxta aa dín, a heé kureeraá yaariir ga /aay, AAKOÓ MUNGÚ gwaa tsuúq baraá mura' sleémeero.

IIMU/UUNGW 25:11

Alaá Abrahamu iwa gwaá', garmaawós Isaka kuri tsuúq nee Mungú. Isaka ina hoót bihhaá hhalángw Lahai-roi wa alé.

IIMU/UUNGW 25:5

Abrahamu Isaka guri aalitmoó muruuwós sleémeero wa qaás.

IIMU/UUNGW 30:43

Adoorihe heewí muruuwós iri ló'wa tlaáhh, nee sagadiyuuseerós nee lawaaleero, nee angamía nee daqwaayerose.

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 112:3

Dooine daqaari'iima i deer, nee muruú yaariír. Gan'amuuín i kumamiit ay kureerisleém.

WARA'AMI 18:35

AAKOÓ MUNGÚ, án kuúng ina báq nee iri ba/amís, amohhe'eemisuuwók aníng ina ureés, nee ina gawdés ar /uuruuwók.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

AXWEESANOÓ SAGALOOA 22:4

Heé taa niinawees dír AAKOÓ MUNGÚ i alé, tlehhmuuwí dirose an daqaari'iima nee ilaiwa/ame nee an slafiingw.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.