IIMU/UUNGW 24:31 - Biblía Axweesantá Hhohho' ar Mungú 2004

³¹ Labani heedaádá' guri báy, «Baraá do' i dahang, kuúnguusíng taa tsuúq nee AAKOÓ MUNGÚ. Ahaá waáy, mas tsee/aá wa sihhimít? Qatuwók ugwa amohhe'eesaán, nee dír angamíaro.»

IIMU/UUNGW 24:31 Iomraidhean Croise

IIMU/UUNGW 18:3

Iri oó', «Bariiser'eé', án bar gurtleemu ugwa sláw dír ilaahunge, anuú sagadiyusmoohúng, mi waarahhara'.

IIMU/UUNGW 19:2

Loti giri báy, «Bariiser'eé', na'asé' do' awaare'. Na'asé' dahaaré' baraá doó lawaalmoohúng i alé, ni delá'. Ya'aahúng hamaatlaak, daqaní matlaatlér boo/e ta tseewa tleerá', ta kumiitá' aaiiwo.» Malaykeedá' tari oó', «Aasla'áy, a adoosingeeká, atén looa a tsee/aá wa tleesaán.»

IIMU/UUNGW 19:3

Loti giri harhhehhe'eemiís ak alé. Inooín niri ya/ané', niri dahiyé', baraá do'. Loti giri muruú /aymár i tleéhh, gina mikaáteedá' taa sluuftisiiká i tleéhh, inooín nay /ayiné'.

IIMU/UUNGW 24:30

Labani peéteedá' gawaá duungaá hho'oorós gaa qo geerií ár, nee mungi'iidaá gawaá dabaawose sleeme. Nee kangwdá' Rebeka kaa báy nee heedaádá' gwaa axaás sleeme. Iri tláy amór sagadiyusmooduú Abrahamu. Iwa hardáh, heedaádá' aa sihhiít bihhaá angamíarós afaá hhalaangw.

IIMU/UUNGW 26:29

adór kuúng atén tiwa gaa /iská, adoodá' atén kuúng ura gaa /iisaniiká. Atén una hhooeemií tleehhaán, uri mawaán tari tleér ar wayda. Gár tlaakw ar naa kuúngií tleehhaán i káhh. Nee daxta kuúng a heé taa tsuúq nee AAKOÓ MUNGÚ.»

IIMU/UUNGW 29:13

Labani kángw Yakobo oohho'oówós nguwa axaás, ina ta'aaín nguwa al'ay. Guri slaqwtósí óh, guri ma'aás, guri do'ós i dahi'ís. Yakobo kangwdá' sleémeero aa tleehharuut guri alki/iít.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

AXWEESANOÓ SAGALOOA 17:8

Slukuma a adór hirísi dír heé ga duxaxima, umuúqo amór i kaya gadaádá' i slai gan sláy.

AXWEESANOÓ SAGALOOA 18:16

Heé taa aleesleemuú i haniís kwaa loohirí tleéhh. Iri dah ay dír geeraá múk urén.

HAR'OHUUSE 17:2

Looarka wake aayoorós gana báy, «Peésaadár kumuú wák nee tsiiru, tók tidá' taa fiís, kiíng heedaádá' kuri lu'ús, qoomaadae aníng a axamiís, ala aníng peésaadá' a koóm. Heé peésaadá' gaa taataahh a aníng.» Aayoorós iri ó', «Garmaaeé', kuúng AAKOÓ MUNGÚ u tsuuqi.»

RUTI 3:10

Boasi gari báy, «Kiíng AAKOÓ MUNGÚ i tsuuqi, dasir'eé'. Asma kiíng hhooeemaá ak ur iga tléhh ta kudá' taa tlehhi dír aayír hhawaatuuwógí alé. Asma tam masoomo ugwa eehatká oo narkutmo laqaá oo daqaarmo.