IIMU/UUNGW 24:27 - Biblía Axweesantá Hhohho' ar Mungú 2004

²⁷ Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 24:27 Iomraidhean Croise

IIMU/UUNGW 13:8

Abramu Loti guri báy, «Gila mindiwa xayé' tla/ángw aníng nee kuunge, laqaá tla/ángw de'eemuuser'eé' nee de'eemuuseeroge. Asma án nee kuúng a hhae.

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

IIMU/UUNGW 24:12

Inós iri firín, «AAKOÓ MUNGÚ, Munguú aakooeé' Abrahamu, án kuúng u firiím laarí, alee/iisáng, nee aakooeé' Abrahamu hhooeemií tleehheek.

IIMU/UUNGW 24:21

Heedaádá' /aymuú aa oó' i kaahh, ala iri ló'wa xumiís as ngiwa tsaahhi, xáy, tidaádá' aa firín dír AAKOÓ MUNGÚ, aa tleehharúti.

IIMU/UUNGW 24:4

Ala tláw ayaarén amór muk'eé' as garmaaeé' Isaka nguwa harér i sleer.»

IIMU/UUNGW 24:42

Laarí niwa hardáh baraá hhaleerí alé, ana adoorír firiím, «AAKOÓ MUNGÚ, Munguú aakooeé' Abrahamu, án kuúng u firiím, án alee/iisáng baraá aaiieene, nee aakooeé' Abrahamu hhooeemií tleehheek.

IIMU/UUNGW 24:48

Ana xupuú', AAKOÓ MUNGÚ nguri sluufiís, AAKOÓ MUNGÚ nguri xirfayeemiís, Munguú aakooeé' Abrahamu, kwí aníng iga geerahaar ay dír dasír tlahhoó aakooeé' as garmaawós.

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

IIMU/UUNGW 9:26

Iri malé oó', «AAKOÓ Mungú, Mungú Shemu i xirfuuti, nee Kana'ani ta lawaalmoowós.

2 SAMUELI 18:28

Ahima'asi waawutmo guri báy ar afór ur, «Mura' sleémeero i qón.» Iri xupuú' dír geeraá waawutmo, iri tumbarara'aát nee iri oó', «Nee AAKOÓ MUNGÚ, Munguúwók i xirfuuti, kudá' kuúng ugwa tuu/ dír mukdá' dabaaín gaa tleesi gawaawók i ale, aakooeé' waawutámo.»

WARA'AMI 100:5

Asma AAKOÓ MUNGÚ ku hhoó', sla'aarirós ar warqawaaká ka alhhe'eesay wasl, nee inkihhimuwós oo umuú qari.

WARA'AMI 68:19

Aako i xirfuuti, kudá' umuúqo deelooro huwaarén ga loohiís, Mungú an ba/amarén.

WARA'AMI 98:3

Sla'aarirós ar warqawaaká nee inkihhimuuwose ga insláy dír múk Israeliwo. Baraá yaamu sleémeero baalír Munguúrén kaa ár.

TI'INAANGW 18:10

Yetro iri oó', «AAKOÓ MUNGÚ i xirfuuti as kuungá' nuwa wangexwaár baraá lawaali'iimár Farao wa ale, nee dír múk Misriro.

TI'INAANGW 2:11

Alaá Mose iwa uráy, looarka wake ina amór mukós káy, naxes gina ár adór kira /uurutimís baraá gadiyér gawít i ale. Heé wák oo Misri guri ár i heé muux, oo xooroorór ar Ebrania.

TI'INAANGW 2:13

Looitleérose Mose iri malé amór hhaeewós káy, múk tsár oo Ebrania guna ár i slaaqw. Kudaádá' hhiyaawós gwaa sadakuus guri báy, «Ahaá, hhiyaawók oo Ebrania mus múx?»

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

RUTI 4:14

/Ameenár baraá gixsár Betilehemu Naomi gari beér, «AAKOÓ MUNGÚ i xirfuuti! Asma kiíng iga kilók geexayká, iga aaliitmoó i sláy laarí. Umuú na/aywí i iiatleeruy baraá múk Israeliwo.

1 SAMUELI 25:32

Daudi Abigaili gari báy, «AAKOÓ MUNGÚ Munguú múk Israeli i xirfuuti, kudá' kiíng iga ya/aaw laarí, án nee kiíng tiwa doogaan.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.