IIMU/UUNGW 24:22 - Biblía Axweesantá Hhohho' ar Mungú 2004

²² Angamía qoomár wahaango iwa hhe'és, heedaádá' peétér taa tleéhh ar sahaábu gana taataáhh, iiloeemaawós a har afi qoomoó tlaqtá shekeéli. Peéterí gari dahaás gawaá duungaá Rebeka. Nee munga'aá tsár awa taa tleéhh ar sahaábu giri dahaás gawaá dabaawós, iiloeemaaín a har afi qoomoó shekeéli mibaangw.

IIMU/UUNGW 24:22 Iomraidhean Croise

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

IIMU/UUNGW 24:23

Gari báy, «Kiíng a ma'á? Xáy, qata dír doohunge i deéro?»

IIMU/UUNGW 24:30

Labani peéteedá' gawaá duungaá hho'oorós gaa qo geerií ár, nee mungi'iidaá gawaá dabaawose sleeme. Nee kangwdá' Rebeka kaa báy nee heedaádá' gwaa axaás sleeme. Iri tláy amór sagadiyusmooduú Abrahamu. Iwa hardáh, heedaádá' aa sihhiít bihhaá angamíarós afaá hhalaangw.

IIMU/UUNGW 24:47

Án ngiri yaahaás, «Xáy, kiíng a dasír heemá?» Iri beér, «Aníng a dasír Betueli, garmoó Nahori nee Milka.» An qoomár peéte ngiwa gawaá duungií qaás, nee mungi'i gawaá daba'.

IIMU/UUNGW 24:53

Peésa gari duúx, nee sahaábu nee tlaba', giri Rebeká i haniís. Muruú tlaxór gawa sleeme guri haniís dír hhiyoó Rebeka nee aayírós.

ESTA 5:1

Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

YOBU 28:1

«Looeemaawo boh'ér muqslaadár peésa kawa folaaliti i deer. Nee dír sahaábu kuwa hhohhoeemamisi i deer sleeme.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 32:9

Naagáy, qaymoodá' ngiri tlaáxw dír garmoó maamáy'eé' wa alé, shekeéli mibaá nee faanqw ar muqslár peésa ngiri buú'.

1 Petro 3:3

Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar sahaábu, nee ar inqwaruú hhohhó'.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.