IIMU/UUNGW 24:12 - Biblía Axweesantá Hhohho' ar Mungú 2004

¹² Inós iri firín, «AAKOÓ MUNGÚ, Munguú aakooeé' Abrahamu, án kuúng u firiím laarí, alee/iisáng, nee aakooeé' Abrahamu hhooeemií tleehheek.

IIMU/UUNGW 24:12 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 24:21

Heedaádá' /aymuú aa oó' i kaahh, ala iri ló'wa xumiís as ngiwa tsaahhi, xáy, tidaádá' aa firín dír AAKOÓ MUNGÚ, aa tleehharúti.

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 24:42

Laarí niwa hardáh baraá hhaleerí alé, ana adoorír firiím, «AAKOÓ MUNGÚ, Munguú aakooeé' Abrahamu, án kuúng u firiím, án alee/iisáng baraá aaiieene, nee aakooeé' Abrahamu hhooeemií tleehheek.

IIMU/UUNGW 24:48

Ana xupuú', AAKOÓ MUNGÚ nguri sluufiís, AAKOÓ MUNGÚ nguri xirfayeemiís, Munguú aakooeé' Abrahamu, kwí aníng iga geerahaar ay dír dasír tlahhoó aakooeé' as garmaawós.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 27:10

Kuúng daqaní baabuúwók un muruú /aymár i húp, iwa /ayin, as kuúng uwa tsuuqi dír ira gwaaiiká.»

IIMU/UUNGW 27:20

Ala Isaka ina yaahaás, «A adoomá, bareemák naa gaanslár slúq, garmaaeé'.» Yakobo iri oó', «Asma Munguú Aleesleemusmo, Munguúwók án ina alee/iís.»

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 32:9

Naagáy Yakobo Mungú guri firín iri oó', «Munguú baabuúeé' Abrahamu, Munguú baabuúeé' Isaka, AAKOÓ MUNGÚ kuúdá' án iga beer, ‹Kií/ baraá yaamuuwók nee amór mukók,› ina al'axweesántí hanís ar iwa hhooárí tlehh,

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

1 WAAWITÁ 18:36

Qoomár ilahhooár tsiindo haniisaro iwa xeér, aarusmo Eliya ina tseewúy dír kitangwdá', iri firín, «Aá AAKOÓ MUNGÚ, Munguú Abrahamu, nee Isaka nee Israeli, laarí i xu'utit adór kuúng tar Munguú Israeli, nee adór aníng tar sagadiyusmoowók, nee adór án muruuwí sleémeero ngura tleehh ar adoodá' kuúng ngira ó'.

2 WAAWITÁ 2:14

Tlawuuduú Eliya aa gawaawós huu' guri óh, ma'aay giri slaáhh iwa kaahi, «AAKOÓ MUNGÚ, Munguú Eliya i amá?» Qoomár ma'aay ngiwa slaáhh, ma'aay nay qasiitiyé' bihhe tsár, inós iri waaraáhh ay gayuú hatlá'.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

NEHEMIA 2:4

Aluuwo waawutmo Artashasta iri báy, «Gár kuúng ta aníng i firór wa sla' a milá?» Aníng Munguú doori nguri firiím.

WARA'AMI 118:25

Atén ti ba/amis, AAKOÓ MUNGÚ, u firimaán, ti ba/amis! AAKOÓ MUNGÚ, na'amamís arba/ti haniisang!

WARA'AMI 122:6

Yerusalemu aleefiririmaak i waydúr hot. «Mukdá' sleémeero kiíng i slaá' ta hooti ar amohhooa.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 37:5

Slafiingók haniiseek dír AAKOÓ MUNGÚ, inós harahhifeek, daqaní inós kuúng u alee/iis.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.