IIMU/UUNGW 24:1 - Biblía Axweesantá Hhohho' ar Mungú 2004

¹ Abrahamu daxta aa dín, a heé kureeraá yaariir ga /aay, AAKOÓ MUNGÚ gwaa tsuúq baraá mura' sleémeero.

IIMU/UUNGW 24:1 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

IIMU/UUNGW 18:11

Ala Abrahamu nee Sara naa ló'wa diimadiné', nee Sara sleeme aa ló'wa diín, nee qoomár xwayla aa waaráhh.

IIMU/UUNGW 21:5

Abrahamu kureeriiwós a tsiiru qoomár garmaawós Isaka kuwa laqwaál.

IIMU/UUNGW 24:35

AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 25:20

Isaka kureeriiwós a mibeeri tsiyáhh qoomár Rebeka ngiwa duúx, dasír Betueli, heé Aramu oo Padan-aramu. Rebeka a hho'ór Labani.

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

1 WAAWITÁ 1:1

Qoomár waawutmo Daudi iwa diimay hhe'eés, sagadiyuseerós guna uuntsús ar burungeéti, ala tam kwa uuntsuusi axwnáy gwaa slayká.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Luka 1:7

Ala inooín ta na/oó konká, asma Elisabeti a kampeeri, nee inooín tsaraawo naa diné'.

Galatia 3:9

Gawaá adoorihe mukdá' aa haratlintii' kun tsuuq dinkwa nee Abrahamudá' aa haratlintii'.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.