IIMU/UUNGW 23:9 - Biblía Axweesantá Hhohho' ar Mungú 2004

⁹ as mar'irós tidár Makpela, tidár dír digimuú qaymoorós, ngiwa aní weerisi, as ngiwa muk'eé' foliit. Án inós u buú' ar afi qoomaadá' inós wa hariim hamtír kilá' dír geeraahúng wa ale.»

IIMU/UUNGW 23:9 Iomraidhean Croise

IIMU/UUNGW 23:10

Efroni inósuú kilá' i baraá tla/ángw múk Hiti, kudá' ta dook dír afkú úr oo gixsa. Efroni kuduú Hiti, Abrahamu guri geeraá múk Hiti wa báy,

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 23:8

Iri dir'ín i oó', «Barnaxes aga ya/aandé' tuuár harer'eé' ngiwa fool, na'asé', Efroni garmoó Sohari harhhehhe'eesare',

IIMU/UUNGW 25:10

Qaymoorí an tidá' Abrahamu aa tlaáxw dír múk Hiti wa alé. An dír Abrahamu nee hareerós ki foól.

IIMU/UUNGW 49:29

Israeli na/iiwós gina hara'ayín, giri báy, «Aníng gwa'araaro aga nakaá/. Bara gwaá' án ir folá' dinkwa nee taati'iieé' baraá mar'idár baraá qaymór Efroni, oo múk Hiti,

IIMU/UUNGW 50:13

Kuna ar tláy ay baraá yaamaá Kana'ani, kuri foól baraá mar'idár baraá qaymór Makpela, tidá' Mamrero da/aáw, mar'idá' Abrahamu aa tlaáxw dinkwa nee qaymór Efroni, heé Hiti, tawa dír mukós kway foliiti.

1 QOM'I 21:22

Daudi iri oó' dír Ornani, «Dirók tír balaangw muxta aníng i weerisang as ngiwa kitángw ilahhooár AAKOÓ MUNGÚ i tleehh, as tiqtiirír pu/i iwa tsauur. Aníng a tlaáxw ar hariímár kuúng ni o'.»

1 QOM'I 21:24

Ala waawutmo Daudi Ornani guri báy, «Aasla'áy, aníng muruuwí sleémeero aqo ngun buú'. Gaarók a huwaaká dír AAKOÓ MUNGÚ, laqaá ar naa tlaxwiiká a hanisaaká dirós.»

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 13:8

Hee muwa iinuús tam gár wake, ala masók gár uwa iinuusi aqo har sla'aari kilós. Asma heé heeqá' slaá', hara'aya gaa boo/eés.