IIMU/UUNGW 23:6 - Biblía Axweesantá Hhohho' ar Mungú 2004

⁶ «Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

IIMU/UUNGW 23:6 Iomraidhean Croise

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

IIMU/UUNGW 14:14

Abramu ngiwa axaás adór garmoó hhiyaawós kura ar tláy, masoombarós gari xooslaá slaqwarár i haniís. Inooín an kudá' taa laqwaál baraá do'ós i alé, muu tsiire tám nee mibaá nee dakaát. Kiri eehár ay yaamaá Dani.

IIMU/UUNGW 18:12

Gawaá adoorihe Sara iri qaseén baraá muunaáwós i alé, i kat, «Aníng aga diím, aakooeé' sleeme aa dín, ala iqo ya/aánda aníng nee aakooeé' tawa alqaataan, qwal/amaaye kay tsuwa slawaán.»

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 21:22

Qoomaadae Abimeleki nee Fikoli, heedaádá' úr oo slaqwaruuseerós gaa geerahaar, Abrahamu guna báy, «Mungú nee kuúng a dinkwa baraá umuúqo gár ta tlehha.

IIMU/UUNGW 23:5

Mukduú Hiti Abrahamu kuri báy,

IIMU/UUNGW 23:7

Abrahamu iri xupuú' dír geeraá múk yaamuloó' oo Hiti ar ilaiwa/ame.

IIMU/UUNGW 24:18

Dasi iri ó', «Gimáy wáh, aáko.» Siiwadár kilae sirwirós gay aweerís, guri wahás.

IIMU/UUNGW 24:35

AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 31:35

Raheli baabuúwós guri beér, «Baabá, án gurtlawáng, ma buhhaar, sihhtanór geeraawók a aleeslawaaká, asma án a baraá deelor'eé' i dirií'.» Labani murslaaqatuú munguiidá' guri leelehhiít guri slayká.

IIMU/UUNGW 32:18

Kuúng ta o', ‹Muruuwí a daqaari'iimár sagadiyusmoowók Yakobo, nee an gár ni kuúng i haniisi, kuúng aakooeé' Esau. Yakobo inósuú kilá' i alií dirii', i lawee'.› »

IIMU/UUNGW 42:10

Inooín Yosefu nguri bayé', «Aasla'áy aáko, atén lawaaleerók a laluuse.

IIMU/UUNGW 44:5

Ahaá, kuungá' a xua'aakáhe adór isaangirí tar isaangír aakooeé' ir wahaahan. Slamí inós isaangirí gan iigu'utúr ar'aa'ar. Aga ló'wa dakusé' adoorí kawa tlehhé'.› »

IIMU/UUNGW 44:8

Aáko, inslaweek, peésaadá' taa baraá afér mayshuurén i awaán, ngina ar ki/aán iimír baraá Kana'anír wa alé, xáy, adór ir ya/aan atén tari malé muqslír /awaak laqaá sahaábu fiisaán baraá doó aakoowók wa alé.

TI'INAANGW 32:22

Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»