IIMU/UUNGW 23:2 - Biblía Axweesantá Hhohho' ar Mungú 2004

² Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 23:2 Iomraidhean Croise

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 23:1

Sara kureeri ngaa hót a tsiiru nee mibeeri tsár nee faanqw. Kureeriiká' an kureeraá Sara aa hót.

IIMU/UUNGW 23:19

Alaá kaangwihe Abrahamu tuuár hareerós Sara gari foól baraá mar'idár qaymór Makpela, tidár bihhaá da/aáw awa Mamre, tidá' ta bay Hebroni, ar baraá yaamaá Kana'ani.

IIMU/UUNGW 24:67

Naagáy Isaka Rebeka gari baraá heémárí huúw, inós gari duúx. Isaka gari slaá'. Gawaá adoorihe Isaka baraá gwa'arár aayírose gurkwa/asa gari sláy.

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 35:27

Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

IIMU/UUNGW 50:1

Yosefu iri gáwtá wa huú' gawaá baabuúwós, guri alee/aa/amín, guri ma'aás.

IIMU/UUNGW 50:10

Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

2 SAMUELI 1:12

Tari tsuunqumiís, tari /aa/amín, inooín tari gwaawín ay tsiindo, asma Saulo nee garmaawós Yonatan, nee múk AAKOÓ MUNGÚ, nee múk Israeli oo yaariír kuwa tsuú/ ar paangadu.

2 SAMUELI 1:17

Daudi iri tsuunqumiís as Saulo nee Yonatan.

2 SAMUELI 2:11

Daudi múk tlahhoó Yuda guna sawaawuti'ín kureeri faanqw nee slahheraá lahhoó' bara Hebronír wa ale.

2 SAMUELI 5:3

Naagáy bariise sleémeero ar múk Israeli iri daqeér Hebroni dír waawutmo Daudi. Inós al'axweesani gari oó' dir'íní ale, dír geeraá AAKOÓ MUNGÚ wa ale. Daudi kuri iimbalaáx ar di/i tawa waawutmoó Israeli.

2 SAMUELI 5:5

Baraá Hebroniro inós múk Yuda guna sawaawuti'ii'ín kureeri faanqw nee slahheraá lahhoó'. Nee baraá Yerusalemuwo múk Israeli nee múk Yudawo gina sawawiti'ii'ín kureeri mibeeri tám nee tám.

1 QOM'I 6:57

Xwaylár Aroni kari gixsaduudá' i haniís, kudá' ta i gogoowi, an Hebroni, nee Libna nee ayeemaá qawtantós, nee Yatiri nee Eshtemoa dinkwa nee ayeemaá qawtantós,

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

NEHEMIA 11:25

Muu bahh'alé ina hoót baraá gixsaduuín wa aleeró bihhaá qamuuín. Múk Yuda bahh'ale Kiriat-arba gana hoót nee amór Diboni nee Yekabse'eli dinkwa nee ayeemooín kudá' ngaa harwerii'i.

YEREMIA 22:10

Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

YEREMIA 22:18

Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 20:29

Muu sleémeero ngiwa axaás adór Aroni ira gwaá', tari tsuunqumiís deelo mibeeri tám.

Yohana 11:31

Múk Yahudi, kudá' nee Maria al'iwiwitá' dír dó' wa ale as gurkwa/amis, kawa ár adór Maria ira tleér ar gaanslaay, tari ti'iít, kari aluú wa eehár. Inooín geera ka xui in /aa/aá eér amór /aanta.

Yohana 11:35

Yesu iri /aá/.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.

YOSHUA 10:39

Inós gixsár Debiri gari hayóh, nee waawutmoowose dinkwa nee gixsadaá iisaapaydá', kiri hhaamiís ar paánga, tam heé aa meet i kaahh. Gixsarí nee waawutmoowose kina adór gixsár Hebroni laáq, nee sleeme adór gixsár Libna nee waawutmoowós laáq.

YOSHUA 15:13

Aluuwo Kalebu, garmoó Yefune, kuna yaamaá Kiriat-arba i ka'aás baraá tla/ángw yaamaá tlahhoó Yuda wa ale, ar adoodá' Yoshua kura ádbáy nee AAKOÓ MUNGÚ. Gixsarí ta bay Kiriat-arba gana aál. Arba baabuú Anaki baraá gixsarí gana hoót. Laarí gixsarí kan babay Hebroni.

YOSHUA 15:54

nee Humta, nee Kiriat-arba, (inós an Hebroni) nee Siori. Gixsaduuká' kaa haniís a gwaleél dinkwa nee ayeemoine.

YOSHUA 20:7

Gawaá adoorihe xoorór Israeli gixsár Kedeshi gari tsawát, tidár baraá Galiláyárí dirii' gawaá tlom'aá Naftali, ar hatlá' a Shekemu tidár baraá tlom'aá Efraimu nee Kiriat-arba, umuuwós oo hatlá' a Hebroni, tidár baraá tlom'aá Yudií dirii'.

YOSHUA 21:11

Gixsadaá taa haniís a Kiriat-arba, tidá' ta babay Hebroni (Arbawí an baabuú Anaki). Gixsarí i baraá yaamaá Yuda. Kana haniís dinkwa nee qawtantadá' gixsadá' gaa harwedi.

HAR'OHUUSE 1:10

Múk Yuda iri haraatláy amór múk Kana'ani oo baraá Hebronír hoót. Umuuwí Hebroni aáng ku babay Kiriat-arba. Inooín tlahh'aá tám awa Sheshai nee Himani nee Talmai kiri baál.

1 SAMUELI 20:31

Bar garmoó Yese iqo slafafín barakaá yaamuwo kuúng pa/ángw waawuti'iima u sleeraaká baraá yaamuukae, hamír kilá' tláw amor'eé' tí huwang, gár kus hhoó' aqo tsuwa gaasa.»

1 SAMUELI 25:1

Samueli iri gwaá', múk Israeli iri burumburiít, kuri sa tsuunquumiís, kuri foól baraá Rama dír do'ós. Daudi iri tláy, iri aweér darmuú Parani.

1 SAMUELI 28:3

Qoomaarihe, Samueli aa qaroó gwaá', dír kway fool a dír do'ós baraá Rama. Múk Israeli sleémeero guri satsuunquumiís. Saulo qwaslaarér giaá duxuum nee da/aluuseero baraá ayko gaa tlatlahhaás.