IIMU/UUNGW 23:11 - Biblía Axweesantá Hhohho' ar Mungú 2004

¹¹ «Aá aáko, a adoosingeeká, án iiárií qaasáng, án qaymo sleémeero nee mar'idá' baraadá' i diriia ngi haniís, slám ngi haniís dír geeraá múk yaamuloó' wa alé, tuuár hareerók ka baraadá' i fól.»

IIMU/UUNGW 23:11 Iomraidhean Croise

IIMU/UUNGW 23:12

Abrahamu iri xupuú' dír geeraá múk yaamuloó'.

IIMU/UUNGW 23:18

dír Abrahamu geeraá múk Hiti sleémeero wa ale, kudá' taa dook dír afkú gixsa.

IIMU/UUNGW 23:6

«Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

ISAYA 32:8

Ala heé ta ilaiwawa/i gár i leelehhiiti a ilaiwa/ame, nee inós muruú ilaiwa/ame gun aleekalaa/.

FAARO 35:30

«Barnaxes hee hee gwa gaás, heedaádá' aa tsu/uut gár kuwa hariím a gaasa, bar lamabu'uungw daanduwose i deer, ala heé ta gaasi ar lamabu'úngw heé wák i kaahh.

Luka 19:24

«Waawutmoodá' mukdaádá' didá' wa sihhimiít guri báy, ‹Boohhasíng i kon hayohaak, ka hanisá' dír heeqá' bohhaá mibángw koóm.›

DABE 17:6

Tam adoorihe, heesíng bur gasá' aqo ay dír kway lamaabu'un nee múk tsár laqaá tám. Ala mu gaasara' barnaxes lamabu'usmo a wak kilós.

DABE 19:15

«Lamabu'úngw heé wák i bu'uutiiká kuwa heéwár sakwasleemut daanduú dakuúsár hee gaasaro, laqaá tlakweemaá hatlá' awa aa tleéhh. Lamabu'úngw múk tsár, laqaá tám, an lamabu'úngw bu'uút kuwa ar gadiyusa'.

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.

RUTI 4:4

Aníng kuúng una kaangwí xu'utisár wa slaá'. Kuúng bar tlaxór wa slá', tlaxweegáy dír geeraá bariiseerí aa diirí iwit, as inooín tawa lamabu'uuse. Bar tlaxór wa slá', tlaxweek. Bar tlaxór wa sla'aká, adá diirí wá ooang as án ngiwa xuu'. Daqaní aníng a tlaáxw. Asma heé hatlá' oo hariím i kaahh. Kuúng a heé geera. Bar kuungeeká, daqaní a aníng.» Inós iri oó', «Aníng a tlaáxw.»

RUTI 4:9

Boasi bariise nee mukdá' sleémeero didí dirií' giri báy, «Laarí kuungá' aga aandé' adór aníng aalidár Elimeleki sleémeero nee ar daaqaywós Kilioni nee Mahloni adór ngira tlaáxw baraá dákw Naomi wa alé, nee kuungaáká' sleémeero a lamabu'uuse.