IIMU/UUNGW 22:7 - Biblía Axweesantá Hhohho' ar Mungú 2004

⁷ Isaka iri oó' dír baabuúwós i ale, «Baabá». Abrahamu iri oó', «Aníng a diirí, garmaaeé'.» Isaka iri oó', «Qaytsiít, migír nee aslto i koomaán, ala deelmoó bee/i oo ta gaasaan as ilahhooadá' ta da/i i amá?»

IIMU/UUNGW 22:7 Iomraidhean Croise

IIMU/UUNGW 22:8

Abrahamu iri oó', «Garmaaeé', Mungú inósuú kilá' deelmoó bee/i oo ta ilahhooár da/tá wa hanisaan ngu sláy.» Naagáy inooín tsaraawo tari kumiít geerií alé.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

TI'INAANGW 12:3

Múk Israeli sleémeero i axweesaak ku beera', slahhaangwí bál bar mibaangw umuúqo heé doó kooma deelmoó bee/i ngu slay, umuúqo afkú do'.

TI'INAANGW 29:38

«De'emaá hi'iita'a umuú daqto ilahhooár ta hanmisa' dír kitángw ilahhooaro a tí: Deeloó tsár oo bee/aangw oo kurkú wák.

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 26:42

Yesu iri malé kií/ sagaáwa tsare, iri firín iri oó', «Baabuúeé', barnaxes slahh'amuuwí hingeesaro i ya/anaká, barqo ay dír ngway slaw, sla'aarirók i bo/.»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 1:36

Yesu kuri ár iwa hi'iimiti. Yohane iri oó', «Ga/aawaak Deelmoó bee/i oo Mungú.»

Yohana 18:11

Ala Yesu Petro guri báy, «Paángarók ki/iseek. Slahh'eemisuú Baabá naa aníng i haniís, aníng adór ngur maw sleemuuwo?»

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.