IIMU/UUNGW 22:14 - Biblía Axweesantá Hhohho' ar Mungú 2004

¹⁴ Abrahamu yaamuudá' giri báy, «AAKOÓ MUNGÚ ngi haniis.» Adoodá' kar ateetin tam de'emuuká', «Gawaá tloomár AAKOÓ MUNGUHE kingi haniis.

IIMU/UUNGW 22:14 Iomraidhean Croise

IIMU/UUNGW 22:13

Abrahamu iri qaytsiít, naxes gwaanda i dír aluuwós, kwa xareemi óh nee xwaansláy. Abrahamu gwaanduú aáng guri óh, guri ilahhooár da/tá wa haniís kitángw garmaawós wa ale.

IIMU/UUNGW 22:15

Malaykamoó AAKOÓ MUNGUÚ Abrahamu guri sagaáwa tsár wa ateét gawaá doorí wa alé,

IIMU/UUNGW 22:8

Abrahamu iri oó', «Garmaaeé', Mungú inósuú kilá' deelmoó bee/i oo ta ilahhooár da/tá wa hanisaan ngu sláy.» Naagáy inooín tsaraawo tari kumiít geerií alé.

IIMU/UUNGW 28:19

Didá' gay báy Beteli, ala umuú gixsadá' geeraawo a Lusu.

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

1 WAAWITÁ 17:8

Eliya axweesantá AAKOÓ MUNGÚ gari axaás, i kat,

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

MIKA 4:10

Kuungá' múk Yerusalemu, kumiité' baraá slahh'amaayeero nee /ifooro, adór /ameenír xwayla. Asma daxta kuungá' a ti'itá' baraá gixsaro, tari hotaá eerá' baraá tsee/aá /awaak. Aqo an yaamaá Babulónírí hardatá'. Ala amoodae kuungá' tundu tuu/ AAKOÓ MUNGÚ kuungá' nu ba/amis, nuri baraá dabaá wakuuserhúng wa gweer.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

1 SAMUELI 29:10

Hamí kuúng dinkwa nee sagadiyuusér aakoowók Saulo, kudá' nee kuúng naa alhardate', matlo matlaatleero tseewa tlawé', qoomár iimi bir /awakukuúr.»

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»