IIMU/UUNGW 22:12 - Biblía Axweesantá Hhohho' ar Mungú 2004

¹² Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 22:12 Iomraidhean Croise

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 22:13

Abrahamu iri qaytsiít, naxes gwaanda i dír aluuwós, kwa xareemi óh nee xwaansláy. Abrahamu gwaanduú aáng guri óh, guri ilahhooár da/tá wa haniís kitángw garmaawós wa ale.

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

IIMU/UUNGW 22:2

Mungú iri oó', «Garmaawók kwisíng oo kilós, nee oo kuúng ta ló'wa sla', Isaka, ar tlawang ay baraá yaamaá Moria. Daqaní kuúng ngu ilahhooár da/tá wa hanís gawaá tloomár aníng ni kuúngí laqaam.»

IIMU/UUNGW 26:5

Asma Abrahamu aníng ina iialooeés, tidá' ngwa báw gari óh nee hara'ayar'eene, nee kaahir'eene nee daber'eene.»

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 2:11

AAKOÓ MUNGÚ sagadiyuusaak ar ilaiwa/ame, i tumbarara'ataak ar daaraxaay,

WARA'AMI 25:12

Heé AAKOÓ MUNGÚ gu ilaiwawaá/ a heemá? Mungú inós gu intsaahhatis loohír i tsawaari.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

TI'INAANGW 20:20

Mose muu sleémeero guri báy, «Ma da'ayumiitaara', asma Mungú nina hardáh as kuungá' nuwa iiari as kahhó' kuungá' inós kuwa ilaiwawa/a' umuú daqto nee tlakweema kiwa tlehha'aaká.»

AXWEESANOÓ SAGALOOA 1:7

AAKOÓ MUNGÚ kuwa ilaiwawa/i an iimu/úngw xu'uti. Ala múk daktana sagalooa nee naanaqto ngi waaqaaqaiyá'.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

YEREMIA 19:5

Kitángw ilahhooa oo mungú ta bay Ba'ali nguri tleehhiyé' as na/ii ngiwa da/aa/ana' adór ilahhooár da/a. Aníng adoorí aga hara'ayimiiká, laqaá iga kaangwí bawiiká, laqaá tam adoorí aga aldakwiiká.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Ebrania 11:19

Asma Abrahamu ga xuu' adór Mungú ir /uuruú kón oo hee nguwa waaslee/atisi baraá múk aa qaátl wa ale, nee ar ló', Isaka nguwa malé sláy a adór heé naa sláy baraá waasle/uú wa ale. Adoorí ina tleehharút ar slaqsaay.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.