IIMU/UUNGW 22:11 - Biblía Axweesantá Hhohho' ar Mungú 2004

¹¹ Ala malaykamoó AAKOÓ MUNGÚ iri gawaá doorí wa ateét, iri oó', «Abrahámu! Abrahámu!» Abrahamu iri oó', «Aníng a diirí.»

IIMU/UUNGW 22:11 Iomraidhean Croise

IIMU/UUNGW 16:7

Malaykamoó AAKOÓ MUNGÚ Hagari gari ár, i dír kutltá ma'aay ar baraá xaanxaay. Kutltadá' dír i diri' a dír loohír Shurír kaw.

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 21:18

Tláw, garma ooheek baraá dabaawók, asma aníng inós un xoorór ur tleéhh.»

IIMU/UUNGW 22:1

Nee alaá muruuwí sleémeero Munguú Abrahamu guri iiár, guri báy, «Aá Abrahamu». Abrahamu iri oó', «Aníng a diirí.»

IIMU/UUNGW 22:10

Abrahamu tsataay guri óh, dakós guri gáwtí tleés as garmaawós nguwa isa tsati.

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

IIMU/UUNGW 37:13

Yakobo Yosefu guri báy, «Xáy, hhaeewók naa bee/ángw de'éngw áy'iíke baraá yaamaá Shekemu i alé? Qwaláng, án kuúng u ya/aáw amor'ín i alé.» Yosefu iri oó', «Kahhoo', aníng a deer.»

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 3:4

Qoomár AAKOÓ MUNGÚ ngiwa ár Mose i amór kitikiintidá' i tseewuwúy, Mungú guri ateét baraá tla/ángw kitikiintidá' wa alé, i kaahi, «Móse, Móse!» Mose iri oó', «Aníng a diirí.»

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

Tlehhema'aá ya/Abuuse 26:14

Sleémeero tari yaamií huhu'uumaán. Aníng afo ngiri axaás ar amor'eéní axwees ar tsifrír Ebrania, i kat, ‹Saúlo, Saúlo, ahaá waáy, án mihar slahh'eemís? A gár gawít diroge tawa slaqw nee aníng a adór heé laqwáy gu kal/aám.›

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,

1 SAMUELI 3:10

Aluuwo Aakoó Mungú nay hardáh, iri sihhiít, iri ateét adór geeraá wa alé «Samuéli! Samuéli!» Samueli iri oó', «Ilawatsáng Aáko, asma sagadiyusmoowók i axmiis.»

1 SAMUELI 3:4

AAKOÓ MUNGÚ Samueli guri ateét, iri oó', «Samuéli, Samuéli» Samueli iri ooín, «Án areeng.»