IIMU/UUNGW 21:9 - Biblía Axweesantá Hhohho' ar Mungú 2004

⁹ Na/ayduú Hagari tidár Misri, tidá' nee Abrahamu taa al laqwaal, Sara guna aán iwa garmaawós Isaka baramaanuusi.

IIMU/UUNGW 21:9 Iomraidhean Croise

IIMU/UUNGW 16:1

Ala Sarai harér Abramu, na/aay gwa sleeriiká, inós sagadiyuso'o ga koón ar Misri, umuuwós a Hagari.

IIMU/UUNGW 16:15

Hagari Abramu guri na/oó garma i xwayluúr. Abramu guri umií tsaát, guri báy Ishmaeli, garmaawós kudá' Hagari aa xwayluúr.

IIMU/UUNGW 17:20

Ala daanduú Ishmaeliwo án kuúng ugwa axaás. Inós ugwa tsuúq. Án u tlahhás, as iwa doogin kángw kilá' wa ale. Inós tay baabuú waawituú mibaá nee tsár, aníng ngway xoorór ur tleéhh.

IIMU/UUNGW 21:8

Na/aay iri uráy, kuri /oomeés, Abrahamu deelór ur gari tleéhh, baalaadá' Isaka kuwa /oomeés.

2 QOM'I 30:10

Aluuwo mukdá' iri tláy tari waaraáhh ar umuúqo gixsaro baraá yaamaá Efraimu nee Manase tay hardáh ay yaamaá Sebuluni. Ala muu inooín giri ló'wa waaqaseesén nee kina niqmís nee kina waaqaqaá'.

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

YOBU 30:1

«Ala hám daxta tin harneet nee múk dir'eene ninákw, múk taati'ii'ín naa waaqaá' asma tam nee seeawer'eé' tidá' bee/ángw xuum tawa al'iwiwiiti i harina'aaká.

WARA'AMI 22:6

Ala aníng a naanagi, a heewooká, taa kángw i sií' tin waaqaqaa' nee muu.

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

AXWEESANOÓ SAGALOOA 20:11

Tam na/aay sleeme gár kur tsaahhi a tlehhmi'iiwós, Muruú i tlehhiiti bar ku hhó' nee oo ganaá'.

AXWEESANOÓ SAGALOOA 22:10

Heé niqusmo tlatlahhaseek daqaní gila i hintiqisiyá', Daqaní gila nee /ooslislingo ni faakiyá'.

WA/AA/I 1:7

Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

Galatia 4:22

Asma kaa gooín Abrahamu daaqaay ngu kon a tsár. Garmoó wák oo /ameenidár lawaalo'o nee oo hatlá' oo /ameenidár lawaalo'oorooká.

Galatia 4:29

Qoomaadae kudá' taa laqwaál ar /uuruú Qeeruú Mungú kuna slahh'eemiís nee kudá' taa laqwaál adór na/aá hatlá' wa ale. Nee adoorí an adoodá' tam hamí tleehharuut.

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.