IIMU/UUNGW 21:33 - Biblía Axweesantá Hhohho' ar Mungú 2004

³³ Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 21:33 Iomraidhean Croise

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 21:32

Al'axweesani kari dír Be'er-shebár wa axweés. Abimeleki nee Fikoli geeraharusmoó slaqwaruuseerós tari tláy, tari kií/ ay baraá yaamaá Filisti.

IIMU/UUNGW 26:23

Isaka iri amoodá' wa tláy ay Be'er-sheba.

IIMU/UUNGW 26:25

Gawaá adoorihe Isaka kitángw ilahhooa guri amoodií tleéhh, AAKOÓ MUNGÚ guri xirfayeemiís. Heémarós gari amoodií kikií', nee sagadiyuuseerós hhalaangw guri fól.

IIMU/UUNGW 26:33

Isaka hhalangwdá' guri báy Shiba, gawaá adoorihe umuú gixsadá' a Be'er-sheba tam ay laarí.

IIMU/UUNGW 4:26

Seti na/oó garma guri laqwaál, guri umií tsaát Enoshi. Qoomaarí an qoomár muu umuú AAKOÓ MUNGÚ nguwa iimu/ún ateetiingo baraá firor'ine.

WARA'AMI 90:2

Tam qoomár tlom'i kiwa tlehhká. Tam qoomár yaamu kiwa tlehhká, kuúng an Munguú daadáw iimír iimu/ungw wasle ay alhhe'eesay wasle.

WARA'AMI 93:2

Kitaangók ku qaroó gawít iimír iimu/uungo, kuúng an kudaádá' dáw iimír iimu/ungw wasle.

TI'INAANGW 15:18

AAKOÓ MUNGÚ in waawuti'ín ay alhhe'eesay wasle.»

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

Rumi 1:20

Aleesleemuú Mungú oo alhhe'eesay wásl, nee munguiimarós, muruuwí hee gu ariiká ilaawo. Ala tam adoorihe muruuwí aa geehhooúy iimír Mungú yaamu ngiwa tleéhh. Asma tlehhemi'iiwós kudá' aa tleéhh muruuwí ngwa laqaaqané'. Gawaá adoorihe gár tar tlaanki i káhh.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

DABE 16:21

«Qoomár kitángw ilahhooa bura tlehhé' as AAKOÓ MUNGÚ Munguúhúng, uhmoó ta sluufmiisi oo slaqsoó munguú Ashera mu tleehhara' bihhaá kitangwduú ilahhooa.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 13:8

Yesu Kristo an kuduú kilá', isá/ nee laarí tam ay alhhe'eesay wasle.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.