IIMU/UUNGW 21:31 - Biblía Axweesantá Hhohho' ar Mungú 2004

³¹ Gawaá adoorihe umuú didá' kuri báy, Be'er-sheba, asma inooín tsaraawo lo'o ngina didá' wa /ayé'.

IIMU/UUNGW 21:31 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 21:32

Al'axweesani kari dír Be'er-shebár wa axweés. Abimeleki nee Fikoli geeraharusmoó slaqwaruuseerós tari tláy, tari kií/ ay baraá yaamaá Filisti.

IIMU/UUNGW 26:23

Isaka iri amoodá' wa tláy ay Be'er-sheba.

IIMU/UUNGW 26:31

Looitleerós nay tseewa tlayé', lo'o ngiri /ayiyé'. Isaka giri haydohiís, tiri deelórí ooiyé' nee inooín ar wayda.

IIMU/UUNGW 26:33

Isaka hhalangwdá' guri báy Shiba, gawaá adoorihe umuú gixsadá' a Be'er-sheba tam ay laarí.

IIMU/UUNGW 46:1

Israeli iri aaií káy dinkwa nee muruudá' sleémeero iqo kona. Iri hardáh ay Be'er-sheba. Ilahhooár muruú ta tsu/i gari haniís dír Munguú baabuúwós Isaka.

2 SAMUELI 17:11

Gár aníng ni oo' a tí, múk Israeli sleémeero amoorók ti burumbut, iimír Danír wa oohang ay Be'er-sheba, ayaá basa, masók ki yaariir adór hhasángw afaá tlawtá wa ale, nee kuúnguú kilá' ta daqeér baraá slaqwara.

2 SAMUELI 24:7

Tari hardáh ay dír koo/ír gawit ar gixsár Tiro, tari dáh baraá gixsadu sleémeero awa xoorór Hifi, nee awa xoorór Kana'ani. Tari tláy ay Negebu yaamaá Yuda amór Be'er-sheba.

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

NEHEMIA 11:27

nee Hasarshuali nee Be'er-sheba dinkwa nee ayeemoodá' ngaa harweeriye'.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

YOSHUA 15:28

nee Hasar-shuali, nee Be'er-sheba, nee Bisiotia,

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.