IIMU/UUNGW 21:23 - Biblía Axweesantá Hhohho' ar Mungú 2004

²³ Gím daxta, lo'o /ayeek ar umuú Mungú, ar kuúng gár tlaakw ngiwa aníng i tlehhká, laqaá na/iieé', laqaá na/aá nangw'eé', ala aqo ar adoodár gurhhooadá' aníng naa kuúng i tleéhh, kuúng ngin aníng i tléhh, baraá yaamuká' tawa hot.»

IIMU/UUNGW 21:23 Iomraidhean Croise

IIMU/UUNGW 20:14

«Abimeleki bee/aangw nee hikwa, nee lawaale nee sagadiyuuse gari haniís dír Abrahamu, nee hareerós Sara gari ki/ís sleeme.

IIMU/UUNGW 21:24

Abrahamu iri oó', «Án lo'o a /aáy.»

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 26:28

Inooín nguri mu/aywatsiyé', «Aga araán ar geehhoeema adór AAKOÓ MUNGÚ nee kuúng tar dinkwa. Gawaá adoorihe ana araán i hariín lo'o ngiwa al/ayaan nee kuúng, nee al'axweesani ngiwa tleehhaan,

IIMU/UUNGW 31:44

Ala daxta aníng nee kuúng al'axweesani a tleehhaán, asma tawa lamabu'uungw tla/angwrene.»

IIMU/UUNGW 31:53

Munguú Abrahamu, nee Munguú Nahori, Munguú baabi'ii'ín, kasi ngi tsati tla/angwrene.» Yakobo lo'o gari /aáy ar umuú Mungú, Kudá' baabuúwós Isaka i da'ayuumiti.

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

IIMU/UUNGW 47:31

Yakobo iri oó', «Lo'o /ayeek.» Yosefu lo'o gari /aáy. Israeli sagós guri xupu'uús amór sángw qatanirós, Mungú guri sluufiís.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

YOSHUA 2:12

Gimsé' daxta lo'o /ayaak ar umuú AAKOÓ MUNGÚ as dooeé' kuwa hhooeemií tlehha' ar adoodá' aníng naa dirhúngií tleéhh, nee layár geehhoo' laqaamaré'.

1 SAMUELI 20:13

AAKOÓ MUNGÚ aníng i gaasi, bar qo Saulo aa tsabín kuúng uwa gaasi, aníng kuúng uri gurbuiiká, as tawa gop amór saaw, kahhó' slafiingók kuwa ba/amis. AAKOÓ MUNGÚ nee kuúng ta dinkwa adoodá' tar dinkwa nee baabuúeé'.

1 SAMUELI 20:17

Wa'aá hatlae Yonatan Daudi guri báy, «Lo'o /ayeek kuúng bar aníng iqo ló'wa slá'.» Asma inós guna slaá' adór hhiintluwósuú kilá'.

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 30:15

Daudi heé aáng guri yaahaás, «Xáy aníng i laalaqása amór daqtidá'.» Garmaadá' guri báy, «Bar lo'o aga /ák ar umuú Mungú as aníng iwa gaská, sleeme i baraá dabaá aakooeénií qaská, daqaní u huúw.»