IIMU/UUNGW 21:22 - Biblía Axweesantá Hhohho' ar Mungú 2004

²² Qoomaadae Abimeleki nee Fikoli, heedaádá' úr oo slaqwaruuseerós gaa geerahaar, Abrahamu guna báy, «Mungú nee kuúng a dinkwa baraá umuúqo gár ta tlehha.

IIMU/UUNGW 21:22 Iomraidhean Croise

IIMU/UUNGW 20:14

«Abimeleki bee/aangw nee hikwa, nee lawaale nee sagadiyuuse gari haniís dír Abrahamu, nee hareerós Sara gari ki/ís sleeme.

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

IIMU/UUNGW 20:2

Abrahamu daanduú hareerós Sararo iri oó', «Tí an hho'or'eé'.» Abimeleki waawutmoó Gerari muu guri ya/aáw Sara kawa huwi amoorós.

IIMU/UUNGW 26:26

Naagáy Abimeleki ina tláy Gerari wa alé dinkwa nee Ahusati mulqumoowós, nee Fikoli, heé úr oo slaqwaruuseerós, iri tláy amór Isaka.

IIMU/UUNGW 26:28

Inooín nguri mu/aywatsiyé', «Aga araán ar geehhoeema adór AAKOÓ MUNGÚ nee kuúng tar dinkwa. Gawaá adoorihe ana araán i hariín lo'o ngiwa al/ayaan nee kuúng, nee al'axweesani ngiwa tleehhaan,

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 30:27

Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

IIMU/UUNGW 31:5

giri báy, «Aníng aga tsaáhh adór baabuúhúng iwa gaárí xuiiká adór geeraá wa alé, ala Munguú baabuúeé' nee aníng a dinkwa.

2 SAMUELI 24:7

Tari hardáh ay dír koo/ír gawit ar gixsár Tiro, tari dáh baraá gixsadu sleémeero awa xoorór Hifi, nee awa xoorór Kana'ani. Tari tláy ay Negebu yaamaá Yuda amór Be'er-sheba.

2 QOM'I 1:1

Solomon garmoó waawutmo Daudi waawuti'iimarós gana gawdeés. AAKOÓ MUNGÚ Munguúwós i dinkwa nee inós, inós kuri iiatleereés nee Mungú.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.

1 SAMUELI 24:22

Daudi lo'oodá' gari dír geeraá Saulo wa /aáy, Saulo iri waátl amór do'ós. Ala Daudi nee mukós tari kií/ baraá koo/idá' gawit.

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.