IIMU/UUNGW 21:17 - Biblía Axweesantá Hhohho' ar Mungú 2004

¹⁷ Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 21:17 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 16:11

Malaykamoó AAKOÓ MUNGÚ gari báy, «Ga/aaweek, kiíng a tsiiháy, na/oó garma u xwayluúr, umuuwós kway beer Ishmaeli. asma AAKOÓ MUNGÚ /aa/aá baramaanirók gaa axaás.

IIMU/UUNGW 16:7

Malaykamoó AAKOÓ MUNGÚ Hagari gari ár, i dír kutltá ma'aay ar baraá xaanxaay. Kutltadá' dír i diri' a dír loohír Shurír kaw.

IIMU/UUNGW 16:8

Malaykamo gari yaahaás, «Hagári, kiíng sagadiyuso'ór Sarai a dáhh, nee kiíng a keér?» Hagari iri ilawáts, iri ó', «Án aamar'eé' Sarai ngina ilagoów.»

IIMU/UUNGW 16:9

Malaykamoó AAKOÓ MUNGÚ gari báy, «Kií/ amór aamaarók, nee aamaarók ilaiwawa/eek nee sagadiyuseek.»

IIMU/UUNGW 22:11

Ala malaykamoó AAKOÓ MUNGÚ iri gawaá doorí wa ateét, iri oó', «Abrahámu! Abrahámu!» Abrahamu iri oó', «Aníng a diirí.»

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

2 WAAWITÁ 13:4

Yehoahasi AAKOÓ MUNGÚ guri harhheehhe'eés, AAKOÓ MUNGÚ adoodá' múk Israeli kura slahh'eemiís nee waawutmoó Aramu ngiwa ár, firor'ín gari iiaárí qaás.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 6:8

Quutlé' dir'eene kuungá' sleémeero, awa tlakweemaá tlehhiitá', asma AAKOÓ MUNGÚ afór /aa/ee'eé' gaa axaás.

WARA'AMI 65:2

Kuúng firo a axamís, muu sleémeero u i hardah.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

TI'INAANGW 22:23

Barnaxes mukwí ugwa slahh'eemís, inooín niri amor'eé' /aa/iyé', looeemaawo án /aa/eeín i axaás.

TI'INAANGW 22:27

Asma wane inqwaarirós ar i untsuusi an tisíng kilós, xáy, gár ir qaati a milá? Inós barnaxes naa amor'eé' /aá/, u iiárií qaás, asma guruueé' i tlatláy.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

ISAYA 22:1

Iigu'utuú Mungú aa laqán daanduú xatstá iigu'utuú. Aá Yerusalemu, gár naa xeer a milá? Baré kuungá' sleémeero aga tsa/aandé' gawaá daandemaá maraay.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

Matayo 15:32

Yesu eeharuuseerós gari ateét, gari báy, «Aníng guruueé' i tlatláy boo/aywihe, asma deeloorí tamaawo án nee inooín a dinkwár i dir'aitaán, ala muruú /ayma ku konká. Aníng a sla'aaká ngiwa geemaw tawa watli ar qwari, as matawa baraá loohírí /ara/eerimiít.»

Marko 5:36

Ala Yesu axweesantadá' ngiwa axaás kawa axweesi, heé úr oo doó saaliingw guri báy, «Ma da'ayuumiitar, án kilooeé' na haratlintiáng.»

DABE 26:7

Aluuwo atén AAKOÓ MUNGÚ, Munguú baabi'iirén una i /aa/aán nee AAKOÓ MUNGÚ /aa/eerén giri axaás, nee slahh'amuudá' taa slawaán guri ár, nee gadiyeédaá gawdene, nee baramaanirene.

HAR'OHUUSE 18:23

Múk Dani kuri altseé', tari alií warqáy, Mika nguri bayé', «A milá kuúng misti alkoondá' nee amaqawár yaariir?»

1 SAMUELI 11:5

Qoomaarihe Saulo i baraá qaymór daahh nee aweerose, Saulo iri yaahaás, «Gár mukwí gwaa sleer, masta /aa/amín?» Kangwduú múk Yabeshi kuri alki/iít.