IIMU/UUNGW 21:14 - Biblía Axweesantá Hhohho' ar Mungú 2004

¹⁴ Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 21:14 Iomraidhean Croise

IIMU/UUNGW 16:7

Malaykamoó AAKOÓ MUNGÚ Hagari gari ár, i dír kutltá ma'aay ar baraá xaanxaay. Kutltadá' dír i diri' a dír loohír Shurír kaw.

IIMU/UUNGW 19:27

Abrahamu iri ti'iít matlaatleero ay didiíwa axweés nee AAKOÓ MUNGÚ.

IIMU/UUNGW 21:13

Garmaasuú lawaalo'o aníng sleeme u xooro tleéhh, asma inós sleeme a xwaylarók.»

IIMU/UUNGW 21:15

Ma'aydá' baraá quruuntli niwa faakiyé', inós na/aay guri qaatís dír gamuú xa'anoó niiná.

IIMU/UUNGW 21:31

Gawaá adoorihe umuú didá' kuri báy, Be'er-sheba, asma inooín tsaraawo lo'o ngina didá' wa /ayé'.

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 22:19

Abrahamu iri kií/ amór daaqaywós, tari tláy, tay alkií/ ay Be'er-sheba. Abrahamu iri hoót baraá Be'er-shebár wa alé.

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

IIMU/UUNGW 24:54

Sagadiyusmoó Abrahamu nee mukdá' ti alkoomá' tay /ayín, tay wahán, tari deél. Matlaatleero tindiwa tláy qatuuwo iri oó', «Na'asé', án a kií/ amór doó aakooeé'.»

IIMU/UUNGW 25:6

Ala qoomár iwa slafi, daaqoó /ameenár hatlá' guna qáy. Daaqaydá' guri loohatís, giri da/ií saweés dír garmaawós Isakawo.

IIMU/UUNGW 26:31

Looitleerós nay tseewa tlayé', lo'o ngiri /ayiyé'. Isaka giri haydohiís, tiri deelórí ooiyé' nee inooín ar wayda.

IIMU/UUNGW 26:33

Isaka hhalangwdá' guri báy Shiba, gawaá adoorihe umuú gixsadá' a Be'er-sheba tam ay laarí.

IIMU/UUNGW 28:18

Yakobo matlaatleero iri tseewa tláy, tlaa/anoodá' aa sagós ar tlakwaá' guri taataáhh, guri adór uhmoó wa foól, guri di/tí tsiririxiís as nguwa paraatli.

IIMU/UUNGW 37:15

Heeko wák Yosefu guna baraá xatstií áy, i baraadá' wa harweeriirín. Heedaádá' guri báy, «Gár ta leeleehhit a milá?»

IIMU/UUNGW 46:1

Israeli iri aaií káy dinkwa nee muruudá' sleémeero iqo kona. Iri hardáh ay Be'er-sheba. Ilahhooár muruú ta tsu/i gari haniís dír Munguú baabuúwós Isaka.

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

2 QOM'I 29:20

Matlaatlér bál tsare waawutmo Hesekia geeraharuusér gixsár Yerusalemu gana burumbuúr, tay tláy, tay dáh baraá Doó AAKOÓ MUNGÚ.

WARA'AMI 107:4

Bahh'alé nina baraá darmuú wa harweerariné', loohír tar hardihi baraá gixsár tawa hooti kaa slayká.

WARA'AMI 119:60

An gaansluút, a tligaaká hara'ayaarók ngiwa oh.

AXWEESANOÓ SAGALOOA 27:14

Heé inslaawmoowós gwaa taaqwees ar tseeo matlaatlér boó/ ale kun xuruut nee muu, tan ooi guna lu'usár áy.

AXWEESANOÓ SAGALOOA 27:8

Heé aa diya/aat do'ós wá ale A adór tsir/ír aa qwat dír do'ose.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 16:8

Asma qamaá Heshboni naa /ootsiyé', tam sabiíbuú Sibma sleeme, kudá' bariisér xoordu gaa ooniitamaamis, halemiiwós niri hardihiyé' ay Yaseri, niri harweriné' ay baraá xaanxaay. Harma/oorós iri hardát tlawto gayuuqá'.

Yohana 8:35

Nee lawaalmo deelo sleémeero do' gu hootiiká. Ala na/aay i doó hoot deelo sleémeero.

YOSHUA 3:1

Looaytleérós matlaatlér boo/e Yoshua nee múk Israeli sleémeero, tana dír xaa'aá ta bay Shitiímúr wá tláy, nari hardihiyé' ay afaá yaaér Yordani, nari didií deelo tlaatla/iitiyé' dír nira waaraahhii'iiká.

1 SAMUELI 15:12

Samueli matlaatlér boo/e iri ti'iít amór Saulo. Samueli kuri báy, «Saulo i Karmelír daahh, ga/aaweek, gár iinslaslaangw gaa sihhtís, iri waaraáhh Gilgali.»