IIMU/UUNGW 21:10 - Biblía Axweesantá Hhohho' ar Mungú 2004

¹⁰ Abrahamu guri beér, «Lawaalo'oosíng nee garmaawós kwisinge guuseek, asma garmaaeé' Isaka nee garmaasuú lawaalo'o ni al aalin'aaká.»

IIMU/UUNGW 21:10 Iomraidhean Croise

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 17:21

Ala alqador'eé' an gawdeés dír Isakawo, kudá' Sara i xwayluúr kurko qoomár adór tihe.»

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 22:10

Abrahamu tsataay guri óh, dakós guri gáwtí tleés as garmaawós nguwa isa tsati.

IIMU/UUNGW 25:19

Kaangwí oo Isaka garmoó Abrahamu.

IIMU/UUNGW 25:6

Ala qoomár iwa slafi, daaqoó /ameenár hatlá' guna qáy. Daaqaydá' guri loohatís, giri da/ií saweés dír garmaawós Isakawo.

AXWEESANOÓ SAGALOOA 22:10

Heé niqusmo tlatlahhaseek daqaní gila i hintiqisiyá', Daqaní gila nee /ooslislingo ni faakiyá'.

Matayo 22:13

Waawutmo lawaaleerós gari báy, ‹Heewí daba' nee ya'aawo tseegaak, tsee/aá i kwahhtá awaak baraá giwti, dír tawa /aa/amin nee sihhina' kiwa qirirtlimisi.›

Yohana 8:35

Nee lawaalmo deelo sleémeero do' gu hootiiká. Ala na/aay i doó hoot deelo sleémeero.

Galatia 3:18

Atén aali an slawaán as Mungú al'axweesantós ngiwa boo/eés. Ala a slawanaaka as hara'aya kawa eeharaharaán. Asma Mungú aali gana amór Abrahamú i haniís, as ngiwa dirósí al'axweés.

Galatia 4:7

Ala bar adoosíng kuúng daxta a lawaalmoowooká, ala kuúng a na/aay. Ala kuúng bar na/aay, kuúng a aaliitmo sleeme, oo taa aaliitmo tleéhh nee Mungú.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

HAR'OHUUSE 11:2

Gileadi na/aá hatlá' gina laqwaál nee hareerós ar bi/i. Na/aá hareerír bi/i niwa uraarayé', Yefta nguri guusiyé' dír do'o, nguri bayé', «Kuúng aalirók i káhh dír baabuúrene, asma kuúng a na/oó /ameenír hatlá'.»