IIMU/UUNGW 21:1 - Biblía Axweesantá Hhohho' ar Mungú 2004

¹ AAKOÓ MUNGÚ Sara gari insláy, nee adoodá' aa dirós i oó', gari tleéhh.

IIMU/UUNGW 21:1 Iomraidhean Croise

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 17:21

Ala alqador'eé' an gawdeés dír Isakawo, kudá' Sara i xwayluúr kurko qoomár adór tihe.»

IIMU/UUNGW 18:10

Oo wák baraá tla/angw'ine Abrahamu guri báy, «Looeemaá kilae kurko siiwár adoorihe án ni kií/, nee qoomaadae hareerók Sara na/oó garma gwaa sleér.» Qoomaadae Sara i aluuwósí dirí', dír afkú heéma, i iiár qamiín.

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

IIMU/UUNGW 24:36

Sara harér aakooeé', aakooeé' gwa na/oó garmaií xwayluúr baraá diimaywose. Nee aakooeé' na/aywí gwaa daqaari'iimarós sleémeero i haniís.

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

2 WAAWITÁ 4:17

Ala /ameenidá' iri tsít, nee garma gway xwayluúr kurkú taa kayi, qoomár adór tidae, aqo adoodár Elisha nga báy.

WARA'AMI 106:4

Aníng inslawáng, AAKOÓ MUNGÚ, mukók bur hhooeemaawógí tlehhít, alee/iisáng qoomár bar mukók ba/amiimís.

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 3:16

Tláw, bariisér Israeli dinkwár i burumbureek, ki beer: AAKOÓ Mungú, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng ina harati'iít iri báy, ‹Inooín ádbaweek adór ngira i hardáh nee slahh'amuudá' taa sláy baraá yaamaá Misriro ugwa ár.›

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»

Galatia 4:23

Ala na/ayduú /ameenír lawaalo'o kuna laqwaál ar adoodár na/aá hatlá' kir laqwalaalin, ala na/ayduú /ameenír lawaalo'oorooká kuna laqwaál asma al'axweesantá Mungú tidá' aa geerií oó'.

Galatia 4:28

Hám daxta, kuungá' hhaee'eé', kuungá' a adór Isaka, asma kuungá' a na/aá Mungú as al'axweesantós tidá' aa geerií oó'.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

RUTI 1:6

Naomi iwa baraá Moabu, gana axás adór AAKOÓ MUNGÚ mukós oo baraá Yuda ngura qeemuú bu'úngw hhó' i haniís. Tiri amohhe'és iwa tleer yaamaá Moabú wa alé dinkwa nee tlaawoó daaqaywós.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 2:21

AAKOÓ MUNGÚ Hana gari gurtláy, inós iri tsít, na/ii giri laqwál, awa daaqaay tám, nee awa dasu tsár. Na/aywí ta bay Samueli iri uráy dír geeraá AAKOÓ MUNGÚ wa ale.