IIMU/UUNGW 20:7 - Biblía Axweesantá Hhohho' ar Mungú 2004

⁷ Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 20:7 Iomraidhean Croise

IIMU/UUNGW 12:15

Mukdá' urén oo waawutmo Farao /ameenidá' gari ár, hhohhoartós ngiri ooiyé' dír waawutmo Farao. Aluuwo /ameenidá' kari huúw amór doó Farao i alé.

IIMU/UUNGW 12:17

Ala AAKOÓ MUNGÚ Farao guri slaáhh, nee múk do'ose, ar muxtár ur as Sarai, harér Abramu.

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

IIMU/UUNGW 20:18

Asma AAKOÓ MUNGÚ /ameena sleémeero ar doó Abimeleki gana xwayla /iít, asma Sara harér Abrahamu.

IIMU/UUNGW 20:3

Ala Mungú Abimeleki guri i daqáy ar baraá tlata, guri báy, «Kuúng a tuua, asma /ameenisíng taa hayót a harér hee.»

IIMU/UUNGW 20:8

Abimeleki lawaaleerós sleémeero gari ateét, muruuwí sleémeero guri dir'ín i oó'. Inooín sleémeero tari da'ayuút.

IIMU/UUNGW 23:6

«Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

2 SAMUELI 24:17

Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

1 WAAWITÁ 13:6

Naagáy waawutmo Yeroboamu aarusmo guri báy, «Gám na'ás, án aleefiriimáng dír AAKOÓ MUNGÚ, Munguúwoge, doóqa dakw'eé' way'aasár amor'eé' ga ya/án.» Heedaáduú Mungú, AAKOÓ MUNGÚ guri firín, dákw waawutmo way'aasár amoorós gay ya/án, iri adoodár geerií kií/.

2 WAAWITÁ 5:11

Ala Na'amani ina ló'wa buúhh, iri tláy iwa kaahi, «Aníng ngi xuu' geeraawo aqo nin tsee/áy ti'iit, nee AAKOÓ MUNGÚ, Munguúwós guri firín, nee dir'e tidá' tiiq gari kwatimiit, nee iri hungu/uus.

1 QOM'I 16:22

iwa kaahi, «Muk'eé' oo naa tsawaár mu kwatitara', aaruuser'eé' ma slahh'eemisaara'.»

2 QOM'I 30:18

Tam adoorihe mukdá' naa hardah oo tlahhoó Efraimu, nee oo Manase, nee oo Isakari, nee oo Sebuluni, taa hhohhoeesi'iiká, adoodá' kis hariím deelór Pasaákuwo, ala inooín Pasaáka nguri /ayiyé' ar adór harimaaká asma wawutmo Hesekia inooín gina aleefirín, iwa kaahi, «Aá AAKOÓ MUNGÚ, Munguú hhoó', gurtlaweek kudá' sleémeero

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

TI'INAANGW 18:17

Taatoó harér Mose iri oó', «Adoosíng ta tlehhit i qoondaaká.

TI'INAANGW 4:16

Aroni múk Israeli gun daanduuwók wa i axwees, inós an adór afkók, nee kuúng an adór Mungú dirose.

TI'INAANGW 7:1

AAKOÓ MUNGÚ Mose guri báy, «Ga/aaweek, aníng kuúng u adór Mungú tleéhh dír Faraowo, nee hhiyaawók Aroni an adór aarusmoowók.

YEREMIA 14:11

AAKOÓ MUNGÚ aníng ina báy, «Mukwí mu hhooeemá i aleefirimaar.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 33:8

Aníng heé tlaákw bura báw, ‹Aá heé tlaákw, looeemaawo kuúng a gwá',› ala kuúng heedaádá' tlaákw u gurbu'uundaaká as tlakweemaawós ngiwa may, ar ló' heewí tlakweemaawós ngu gaasiyá', ala aníng hhiintluú heewí u iinuús gawaá dabaawók.

TLAHHOÓ LAÁWI 6:4

heesíng tlakweema gaa tleéhh nee aa dakuús. Gadaádá' aa fiís ngi ki/isi, laqaá tidá' nguwa /aytín, laqaá peésaadá' kway haniís, laqaá gadaádár inslaawmoowós aa sláy,

TLAHHOÓ LAÁWI 6:7

Kaahamusmoó Mungú haraki/isa gari tleehh as daanduú heedá' aa dakuus dír geeraá AAKOÓ MUNGUHE, heewí kuri gurtláy baraá muruudá' iwa dakuusi.»

Tlehhema'aá ya/Abuuse 8:24

uduú qwaslaarmo iri oó', «Án aleefiriimaaré' dír Aakoowo as muruusíng sleémeero naa aníng i katé' iwa pa/i.»

1 Korinto 14:4

Heedaádá' axweés ar tsifrír xuawasl tin kilós kwa/amis baraá haratlintaaoorose. Ala kudá' aaririím, inós i kríshaanoó kwa/amis.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 7:5

Samueli iri oó', «Múk Israeli sleémeero burumburaak Mispa, daqaní aníng nu alefiriím dír AAKOÓ MUNGÚ.»

1 SAMUELI 7:8

Xoorór Israeli Samueli guri beér, «Miti mawaar alefirooro dír AAKOÓ MUNGÚ, Munguúrene, as atén tiwa ba/amisi dír dabaá mukuú Filistiro.»